Ermənilər Naxçıvanı bu postlardan ATƏŞƏ TUTUR - VİDEO

Naxçıvanın şimal qərbində - Ermənistanın şərti sərhəddə postları görüntülənib.

Sonxeber.az xəbər verir ki, "İTV Xəbər Yekun"un çəkiliş qrupu sözügedən bölgədə olub. Ermənistan postları ilə əhatələnmiş qəsəbə Naxçıvanın Sədərək rayonunun Heydərabad qəsəbəsidir. Bir müddət əvvəl bu qəsəbə yenidən Ermənistan tərəfindən Arazdəyən kəndi istiqamətindən atəşə məruz qaldı. Qəsəbə bir neçə erməni postları ilə əhatələnib. Evlər, məktəblər, hər bir şey isə öz yerindədir. Amma başını qaldırıb ətrafa və dağlara baxdıqda mənzərə görmək istəsək bu mümkün deyil. Çünki görə biləcəyimiz tək şey erməni postlarıdır:

"Burada postlar çoxdur. Cintəndiri deyilən bir ərazidə post yerləşir. Ucumiz deyilən ərazidə erməni postu mövcuddur. Saymaqla tükənməz".

Bir neçə gün əvvəl ermənilər Naxçıvanı o postlardan atəş tutmuşdu. Heydərabad sakinləri deyir ki, qəsəbədə tez-tez atəş səsləri eşidilir. Ermənilər hətta snayperlə yaşayış evlərini belə vurublar:

"Mütəmadi olaraq atəşkəs pozulur. Arazdəyən istiqamətində atəşkəs pozulanda bir nəfər yaralımız oldu. Atılan atəşlər bizi narahat etmir. Çünki artıq öyrəşmişik. Səs olan kimi eşidilir. Ötən il yay mövsümündə evimizə atəş açmışdılar. Bütün ərazimiz ermənilər ilə əhatə olunub. Son vaxtlar Günnüt istiqamətində belə qarşıdurma yaratdılar. Bizimkilər adekvat cavab verdilər və çox bir şey edə bilmədilər ".

Ətraflı"İTV Xəbər Yekun"un süjetində:

Telegramda izləyin