Kişi 73 il sonra DNT analizi ilə oğurlanan QARDAŞINI TAPDI

Vyetnamda iki il xidmət etmiş, təqaüdçü yanğınsöndürən 79 yaşlı Luis Armando Albino uzun müddət sonra ailəsinə qovuşub.

Sonxeber.az xəbər verir ki, bu barədə "The Mercury News" nəşri məlumat yayıb. Hadisə keçmişdə baş verib. 21 fevral 1951-ci ildə naməlum qadın qardaşı ilə parkda oynayan Luisi aldadıb. Luis həmin vaxtlar anası Antonia və beş qardaşı ilə birlikdə Puerto-Rikodan ABŞ-yə yeni gəlib.

Luis ingilis dilini başa düşmürdü. Qadın ona ispan dilində şirniyyat verəcəyinə söz verib. O, heç bir şeydən şübhələnmədiyi üçün qadının arxasınca gedib. 70 ildən çoxdur Luis yoxa çıxıb.

1951-ci ildə itkin düşmüş uşağın axtarışına başlayıblar. Polislər sübutlar və uşaqdan bir iz tapmağa çalışsa da, aparılan axtarışlar boşa çıxırdı. Sonradan məlum olub ki, qadın uşağı ABŞ-nin başqa bir ştatına aparıb.

Zaman keçdikcə Luis ailəsini unutsa da uşaqlıqdan bəzi xatirələr qalıb. O, bir gün DNT analizi verməyə qərar verib. Bu analiz onun həyatının dönüş nöqtəsi olub. Luis Albinonun anası 92 yaşında dünyasını dəyişib. Yaşlı qadın hər zaman oğlunun sağ olduğuna inanıb. Demək olar ki, oğlunu tapmaq üçün hər gün itkin düşmüş şəxslərin axtarış mərkəzinə müraciət edib. Amma heç bir məlumat əldə edə bilməyib.

Luisin Alida adlı qardaşı qızı əylənmək üçün DNT analizi vermək qərarına gəlib. Bu zaman bir dəlil üzə çıxıb. ABŞ-nin şərq sahilində yaşayan bir adamla 22 faiz uyğunluq müşahidə olunub. Alida keçmiş fotoları araşdıran zaman kişinin əmisi olduğunu başa düşüb. Qısa müddət sonra 79 yaşlı Luis həqiqi ailəsi ilə görüşə bilib. Alida baş verənlər ilə bağlı açıqlamalar verib: "Görüşən zaman bir-biriləri ilə qucaqlaşdılar. Onlar Luis əminin qaçırılma anları haqqında danışıblar. Eyni zamanda əmimin əsgərlikdə olan xatirələri ilə bağlı maraqlı söhbətlər ediblər".

Bu ilin iyulunda Albino üç həftəlik yenidən Oklendə gəlib. 83 yaşında dünyasını dəyişən qardaşı Roceri sonuncu dəfə görə bilib. 79 yaşlı kişi başına gələnlər ilə bağlı çox bir şey danışmır. Onun oğurlanması və səyahətləri ilə bağlı xatirələri var. Lakin Luisi qaçıranlar onun uşaqlıqda baş verənlərlə bağlı suallarına heç vaxt cavab verməyib.

Telegramda izləyin