Atasını öldürüb, bədənini hissələrə ayıran oğul həbs edildi

Ədirnənin Süloğlu rayonunun Domurcalı kəndində yaşayan 58 yaşlı Şərif Yalçın 27 yaşlı oğlu tərəfindən qan donduran şəkildə qətlə yetirilib.

Sonxeber.az türk mediasına istinadən xəbər verir ki, atasını silahla öldürən, balta ilə tikə-tikə doğrayan, yandıran və daha sonra isə dərə yatağına atan oğul, polisə Şərif Yalçının itkin düşdüyünü bildirib.

Bölgəyə gələn polis əməkdaşları geniş araşdırma başladıb.

Axtarış prosesinə qatılan oğul qrupların səylərini qəbiristanlıq ərazisində cəmləşdirib.

Polis şübhəli davranışları səbəbi ilə 27 yaşlı gənci polis bölməsinə aparıb. Araşdırmalar nəticəsində cəsəd dərə yatağında tapılıb.

Hadisə yeri araşdırıldıqdan sonra meyit incələnmə üçün tibbi ekspertizaya göndərilib.

Polis idarəsindəki ifadəsi zamanı qətli etiraf edən oğul məhkəmə tərəfindən həbs edilərək həbsxanaya göndərilib.

Hadisə ilə bağlı başladılan istintaq davam edir.

Telegramda izləyin

instagramda izləyin