Osmanlı imperiyası dövründən prototipi yaranan attraksion: "Şeytan çarxı" - VİDEO

Bir zamanlar bu məkanda "şeytan çarxı" adlanan seyretmə atraksionu fəaliyyət göstərirdi. Çoxları bilməsə də bu bir faktdır. Belə atraksionların ilk prototipi 17-ci əsrdə Osmanlı imperiyasında yaranmışdı."Şeytan çarxı" adlandırılması isə onun təhlükəli olmağından xəbər verirdi.

Sonxeber.az xəbər verir ki mövzu ilə bağlı Aztv-nin əməkdaşları maraqlı süjet hazırlayıb. Bakıdakı ", Şeytan çarxı"nın hündürlüyü 30 metr idi. Əslində bu hündürlükdən ətrafı seyr etmək qəliz məsələ idi. Buraya daha çox yüksəklik qorxusunu dəf etmək, adrenalini qaldırmaq üçün gələrdilər. 4 nəfərlik kabinələrin hər biri açıq idi. Bir qayda olaraq qızların qışqırığı, oğlanların isə gülüşü ətrafı bürüyürdü:

"Texniki istismar dövrünü bitirən atraksion 30 illik fəaliyyətdən sonra demontaj edildi. 1969-cu ildə "Moskva notları" adlı musiqili film çəkilirdi. Məqsəd sovetlər paytaxtının mədəni nailiyyətlərini göstərmək idi. SSRİ Xalq artisti Müslüm Maqomayev filmə dəvət almışdı. Xarici məsləhətçilərin istəyilə o, repertuarında olan "Şeytan çarxı" mahnısını oxumalı idi. Amma o zamanlar Moskvada belə atraksion yox idi. Müslümün təkidi ilə çəkiliş qrupu Bakıya gəlir. Həmin film Bakı "şeytan çarxı"nın fonunda çəkilir ".

Ətraflı videomaterialı təqdim edirik:

Telegramda izləyin