Boşanma prosesində olduğu həyat yoldaşını boğaraq öldürdü

Manisanın Yunusemre rayonunda Gökhan Eller və Selda Eller bir müddət əvvəl ailə problemləri səbəbiylə razılaşaraq boşanmaq qərarına gəliblər.

Sonxeber.az türk mediasına istinadən xəbər verir ki, Selda Eller məhkəmədən tarixi gözləyərkən əri Gökhan Ellərə zəng vuraraq evə gəlib əşyalarını götürməsini deyib. Gökhan Eller evə gedəndə həyat yoldaşı ilə aralarında mübahisə yaranıb.

Getdikcə mübahisə davaya çevrilib. Bu zaman Gökhan Eller həyat yoldaşı Selda Elleri əlləri ilə boğaraq öldürüb. Gökhan Eller daha sonra polis bölməsinə gedərək həyat yoldaşını öldürdüyünü etiraf edib və təslim olub.

Məlumat üzərinə hadisə yerinə təcili tibbi yardım və polis sövq edilib. Təcili tibbi yardım əməkdaşları tərəfindən edilən müayinədən sonra Selda Ellerin öldüyü müəyyən edilib. Prokurorluğun araşdırmasının ardından Selda Ellerin meyiti tibbi ekspertizaya göndərilib. Gökhan Eller polisə verdiyi ifadəsində Selda Ellerin onu ağır şəkildə təhqir etdiyi üçün əsəbiləşdiyini və yaranan davada həyat yoldaşını boğduğunu bildirib.

Gökhan Eller polisdəki ifadəsəindən sonra məhkəməyə göndərilib.

Qeyd edək ki, 20 ildir evli olan cütlüyün 2 övladı var.

Hadisə ilə bağlı istintaq davam edir.

Telegramda izləyin

instagramda izləyin