Evdən çıxmaq istəyən kirayənişinin başına görün nə oyun gətirdilər

Yenişehir rayonunda gündəlik fəhlə işləyən Mehmet Ö. Ozan Uyar adlı evində otaq kirayələyib.

Sonxeber.az türk mediasına istinadən xəbər verir ki, 3 gün evdə qalan Mehmet Ö. "Evə çoxlu qonaq gəlir" deyərək pulunu geri istəyib və burdan çıxacağını bildirib. Bu zaman Ozan Uyar pul əvəzinə mobil telefonunu Mehmet Ö-yə verib.

Ozan Uyar və dostları 10 gün sonra onu vidalaşmaq üçün evinə dəvət ediblər. Bu zaman onlar Mehmeti ölümcül döyüblər.

Səs-küyü eşidən Ozan Uyarın atası Osman Uyar üst mərtəbədən enərək, döyülən Mehmet Ö.-yə qadın alt paltarı geyindirib.

Musiqi səslərindən narahat olan qonşular Mehmeti xilas edib, polisə təhvil veriblər.

Polis 5 şübhəlini saxlayıb. Onlar arasında Ozan Uyar, V.K. və S.S. həbs olunub. Digər iki şübhəli sərbəst buraxılıb.

Prokurorluğun araşdırmasından sonra Bursa 9-cu Ağır Cəza Məhkəməsində 5 müttəhim barəsində "insan azadlığını məhdudlaşdırmaq" və "birdən çox adamla gecə vaxtı adam döymək" ittihamları ilə iddia açılıb.

Mehmet Ö. məhkəmədə: "Onlar evə girəndə qapını bağlayaraq mənə hücum etdilər. Məni dəmir çubuqla vəhşicəsinə döydülər. Qaçıb tualetə girdim. Havalandırma şaxtasından qışqırdım ki, kimsə eşidib kömək etsin. Amma onlar qapını qırıb yenə məni döydülər. Mən səsimi çıxara bilmədim, sonra qapını sındırdılar və mənə qadın alt paltarları geyindirib rəqs elətdirdilər. Şəklimi çəkdilər" deyə bildirib.

O bunları məhkəmədə danışarkən ağlayıb.

İttihamları qəbul etməyən Ozan Uyar şikayətçinin həqiqəti söyləmədiyini bildirib: "Evimdəki otağı verdiyim Mehmet Ö. telefonumu oğurladı. Üstəlik sonra evimə gələndə məni söydü. Buna görə mən onu ancaq döydüm"

Qonşu Mine Uyar: "Mən evə gələndə şikayətçi qadın alt paltarı geyinmişdi. Hadisə ilə heç bir əlaqəm yoxdur" deyib

Məhkəmə Ozan Uyara hökm oxuyub. Ona 6 il 6 ay, atasına isə 5 il həbs cəzası verilib.

Telegramda izləyin