İşə gedərkən yolda güllələnən kişi xəstəxanada dünyasını dəyişib

Sakarya Hendekdə Erol Qorxmaz adlı şəxs işə gedərkən silahla hücuma məruz qalıb.

Sonxeber.az türk mediasına istinadən xəbər verir ki, hadisə dünən səhər saatlarında Rəmzi Efəndi küçəsində baş verib. İşə getmək üçün evdən çıxan 36 yaşlı Erol Qorxmaz səki ilə gedərkən ona yaxınlaşan şəxsin hücumuna məruz qalıb. Şübhəli Qorxmaza dəfələrlə atəş açaraq hadisə yerindən qaçıb.

Bədəninə dəyən güllələrdən ağır yaralanan Qorxmaz təcili tibbi yardımla Sakarya Təhsil və Araşdırma Xəstəxanasına aparılıb. O, bütün müdaxilələrə baxmayaraq, gecə saatlarında xəstəxanada dünyasını dəyişib.

Asayiş Şöbə Müdirliyinə bağlı Cinayət Büro Komandirliyi əməkdaşları Erol Qorxmazı öldürən şəxsin tapılması üçün əməliyyatları davam etdirir.

Telegramda izləyin