Servisdən düşən məktəblini vurdu, balkondan yıxılıb dedi

Ərzurumda düşdüyü servisin altında qalan 6 yaşlı uşaq ağır yaralanıb.

Sonxeber.az türk mediasına istinadən xəbər verir ki, hadisə Hüseyn Avni Ulaş məhəlləsində baş verib. Evinin yaxınlığında məktəb avtobusundan düşən ibtidai sinif şagirdi E.K. yolu nəqliyyat vasitəsinin qarşısından keçmək istəyib. Lakin bu vaxt uşaq hərəkətdə olan mikroavtobusun altında qalıb.

Mikroavtobusun vurduğu E.K. ağır yaralanıb. Bir müddət sonra vəziyyəti anlayan sürücü B.A nəqliyyat vasitəsini saxlayaraq uşağı götürərək binanın bağçasına aparıb.

B.A. ətrafa toplaşan camaata uşağın balkondan yıxıldığını deyib.

Məlumat verildikdən sonra hadisə yerinə polis və təcili tibbi yardım göndərilib. Təcili tibbi yardım maşını ilə Ərzurum Şəhər Xəstəxanasına çatdırılan uşaq reanimasiya şöbəsində müalicə olunub. Polis tərəfindən saxlanılan B.A bölmədəki ifadəsindən sonra məhkəməyə çıxarılıb. Məhkəmə onu polis nəzarəti şərti ilə sərbəst buraxıb.

Faktla bağlı istintaq davam edir.

Telegramda izləyin