Polisin bu hərəkəti alqışlarla qarşılandı

Şərifə və Şərafəddin Konuk cütlüyü 7 il əvvəl maddi sıxıntı səbəbindən şəhərdə kirayə qaldıqları evi tərk etməli olublar.

Sonxeber.az türk mediasına istinadən xəbər verir ki, onlar Vayışlar rayonunun Çobankaya kəndində xaraba vəziyyətdə olan iki mərtəbəli kənd evində məskunlaşıblar. İşıq və su olmayan evdə yaşayan cütlük kənd sakinlərinin köməyi ilə dolanıb. Oğlunun bankdan götürdüyü kreditə görə Şərafəddin Konukun təqaüdü müsadirə edilib.

Təqaüdündən istifadə edə bilməyən və banka təxminən 200 min lirə borcu olan Konukun köməyinə xeyriyyəçi bir polis çatıb. Banka gedərək bütün borcu ödəyən polis məmuru Mustafa Şahin yaşlı cütlüyün problemini həll edib.

Bundan əlavə, dağılmış evdə yaşayan yaşlı cütlük dövlət orqanları tərəfindən qocalar evinə yerləşdirilib. Yenə xeyriyyəçi vətəndaşların köməyi ilə Şərafəddin Konukun dişləri düzəldilib.

Hadisə qısa zamanda sosial şəbəkələrdə yayılıb. Sözügedən polis insanların təqdirini qazanıb. İstifadəçilər paylaşılan görüntülərə "Allah razı olsun" , "Alqışlayıram", "Hələ də belə gözəl ürəkli insanlar qalıb?" kimi rəylər yazıb.

Telegramda izləyin

instagramda izləyin