50 ilə yaxındır onun qonaq otağında olan tablonun Pablo Pikassoya aid olduğunu bilmirdi

İtaliyada dəmir-dümür satıcısı olan Luici Lo Rosso adlı şəxsin tapdığı və illərdir evində saxladığı tablonun Pablo Pikassoya aid olduğu ortaya çıxıb.

Sonxeber.az xəbər verir ki, Rosso 1962-ci ildə tapdığı tablonu Pompeyə aparıb, çərçivəyə salıb və illər boyu evində saxlayıb.

Fotoqraf və rəssam Dora Maarın portreti olduğu düşünülən portretin yuxarı sol küncündə Pikassonun imzası var. Rosso 50 ilə yaxındır onun qonaq otağında olan tablonun kimə məxsus olduğunu bilmirdi.
Daha sonra onlar ailə sənət ensiklopediyalarından birini nəzərdən keçirməyə başladılar və bu rəsm haqqında daha çox öyrənmək qərarına gəldilər.

Ailə nəhayət, tanınmış sənət dedektivi Mauritsio Seracini də daxil olmaqla ekspertlər qrupundan məsləhət istədi. Araşdırmalardan sonra 6 milyon avro dəyərində olan tablonun Pikassoya aid olduğu anlaşılıb.

Vüsalə İbrahimli

Telegramda izləyin