Şəhid ailələri və qazilər üçün verilən təqaüd artılır? - AÇIQLAMA

"Hesab edirəm ki, biz şəhid və qazi ailələrinə dəstəklə bağlı təklif və fikirlərə yanaşanda diqqətli olmalıyıq. Yəni, bu gün hər kateqoriyadan olan insan istəyir ki, dövlət ona nədəsə güzəşt etsin".

Bunu Sonxeber.az-a açıqlamasında deputat Ceyhun Məmmmədov danışıb.

Deputat gələcək zamanda ehtiyac olacağı təqdirdə şəhid ailələrinin və qazilərin təqaüdlərinin artıla biləcəyini də qeyd edib:

"Təqaüd alanlar, məcburi köçkünlər, bəzən də şəhid ailələri kommunal və digər xərclərin dövlət tərəfindən qarşılanmasını səsləndirirlər. Düşünürəm ki, bu yanaşma belə olmalı deyil, yəni bu gün dövlətimiz şəhid ailələri üçün kifayət qədər təqaüd verir. Bu səbəbdən də hazırkı zamanda onlar üçün ayrıca şəraitin yaradılması, başqa mövqeyin sərgilənməsinə ehtiyac yoxdur. Burada artıq məsələnin mahiyyəti ondadır ki, biz əgər deyiləni həyata keçirtsək, gərək müxtəlif kateqoriyadan olan hərkəs üçün edək. Bu isə hesab edirəm ki, gələcəkdə müəyyən problemlər yarada biləcək bir məsələdir. Əgər ehtiyac olarsa gələcək zamanda şəhid ailələrinin və qazilərin təqaüdləri, onlara ayrılan vəsait daha da artırlacaq. Amma hazırkı dönəmdə bunun üçün ayrıca bir addımın atılması dediyim kimi gələcək zamanda digər istiqamətlərdə də belə istəklərin baş qaldırması və yanaşmaların meydana gəlməsinə səbəb olur. Hesab edirəm ki, bu gün dövlətimiz kifayət qədər hər kəsə lazımı vəsaiti ayırır və bu səbəbdən də mən əlavə addımların atılmasını ehtiyac görmürəm".

Vüsalə İbrahimli

Telegramda izləyin