Elman Paşayev külli miqdarda dələduzluqda ittiham olunur

Rusiyada azərbaycanlı hüquşünas, keçmiş vəkil Elman Paşayevə qarşı külli miqdarda dələduzluq maddəsi ilə ittiham irəli sürülüb.

Qaynarinfo xəbər verir ki, bu barədə TASS hüquq-mühafizə orqanlarındakı mənbəyə istinadən yazıb.

"Paşayev Rusiya Federasiyası Cinayət Məcəlləsinin 159-cu maddəsinin 4-cü hissəsi ilə (xüsusən külli miqdarda dələduzluq) nəzərdə tutulan cinayəti törətməkdə ittiham olunur", deyə agentlik yazıb.

Mənbənin sözlərinə görə, Paşayev istintaqla əməkdaşlıq etmir. İstintaq çərçivəsində artıq 3 şahidin dindirildiyi də bildirilir.

Vəkil sentyabrın 17-də Moskvada saxlanılıb. Müstəntiqlərin fikrincə, 2024-cü ilin fevralında o, "marafon kraliçası" Yelena Blinovskayanın əri Aleksey Blinovskidən böyük 46 milyon rubl alaraq, həyat yoldaşlarını cinayət məsuliyyətindən azad etdirəcəyinə vəd verib.

Bundan başqa, Paşayev xüsusi hərbi əməliyyat zonasına (Ukraynadakı müharibə) gedən məhbuslara pul müqabilində arxa cəbhədə qalmağı təklif edib.

Telegramda izləyin