"Gəncə hadisələri müharibə zamanı siyasi propaganda üçün bir alət oldu" - DEPUTAT

İkinci Qarabağ müharibəsi dövründə Gəncə şəhərinin Ermənistan Silahlı Qüvvələri tərəfindən ilk raket hücumuna məruz qalmasından 4 il ötür.

Bununla bağlı Sonxeber.az-a danışan deputat Şahin Seyidzadə bildirib ki, Gəncə hadisələri müharibə zamanı siyasi propaganda üçün bir alət oldu:

"44 günlük Vətən müharibəsi zamanı Gəncədə baş verən terror hadisələri, müharibənin ən faciəli və qanlı epizodlarından biri kimi tarixə düşdü. Bu hadisələr, Ermənistan silahlı qüvvələrinin Azərbaycanın mülki əhalisinə qarşı törətdiyi cinayətlərdəndir. Bir neçə nəfər həlak oldu, o cümlədən qadınlar və uşaqlar. Yüzlərlə insan yaralandı, bir çoxu ciddi xəsarətlər aldı. Raket hücumları nəticəsində mülki binalar, məktəblər, xəstəxanalar və digər obyektlər dağıldı. Gəncədə baş verən terror hadisələri, müharibənin insan hüquqları və humanitar qanunlar baxımından ciddi nəticələrini ortaya qoydu. Gəncədəki hücumlar, Azərbaycanın beynəlxalq ictimaiyyətə və öz vətəndaşlarına mülki əhalinin qorunması mövzusunda müharibənin əsl məqsədini izah etməyə imkan yaratdı. Bu, müharibə zamanı siyasi propaganda üçün bir alət oldu".

Telegramda izləyin