"Gəncə terroru ermənilərin vəhşi və vandal xalq olduğunu bir daha sübut etdi" - DEPUTAT

"44 günlük Vətən müharibəsi ərəfəsində Gəncə şəhərinin Ermənistan Silahlı Qüvvələri tərəfindən ilk raket hücumuna məruz qalmasından 4 il ötür".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, Gəncə terroru ermənilərin necə vəhşi və vandal xalq olduğunu bir daha sübut etdi:

"Ermənistan Silahlı Qüvvələri tərəfindən Gəncə şəhərinin bombalanması nəticəsində 1 mülki şəxs - Əliyev Tunar Qoşqar oğlu şəhid olub, 32 mülki şəxs isə yaralanıb. Yaşayış evləri ilə yanaşı mülki infrastruktura və qədim tarixi tikililərə də ciddi ziyan dəyib. Bilirsiniz ki, 44 günlük Vətən müharibəsi zaman Ermənistan Silahlı Qüvvələri tərəfindən Gəncə şəhirinə 5 dəfə raket və ağır artilleriya ilə hücum edilib. Gəncəyə edilən hücum nəticəsində 26 nəfər şəhid olub, 175 nəfər yaralanıb, şəhərdə yerləşən mülki infrastruktur obyektlərinə, nəqliyyat vasitələrinə külli miqdarda ziyan dəyib. Müharibədə döyüş meydanında Azərbaycanın igir oğullarının qarşısından qaçan qorxaq erməni terrorçuları öz ənənələrin sadiq qalaraq mülki vətəndaşların üzərində güc şousu göstərməyə çalışırdı. Belə ki, erməni xisləti 44 günlük Vətən müharibəsində yenidən özünü göstərdi və dinc əhalimiz növbəti dəfə təcavüzə məruz qaldı. Düşmən Vətən müharibəsi dövründə Bərdə, Gəncə və Tərtər şəhərlərində mülki əhalini hədəfə alaraq çoxlu sayda mülki əhalinin həyatını itirməsinə və yaralanmasına səbəb oldular.

44 gün ərzində Ermənistan silahlı qüvvələri tərəfindən Tərtərə, Gəncəyə, Bərdəyə çox sayda "Smerç", "Toçka-U", "Elbrus" və "Qrad" tipli raketlər atıldı. Düşmənin törətdiyi terror aktları nəticəsində uşaqlar, qadınlar, qocalar, günahsız insanlar həlak oldular.

Bu gün tariximizin müəyyən dövrlərində rastlaşdığımız erməni təcavüzünə əbədi olaraq son qoyulub. Ali Baş Komandan İlham Əliyevin rəhbərliyi ilə Azərbaycanın Müzəffər Ordusu 44 günlük Vətən müharibəsində və 1 günlük antiterror əməliyyatları zamanı ermənilər tərəfindən vəhşicəsinə öldürülən bütün soydaşlarımızın intiqamı alındı. Azərbaycan ordusu düşmənin bütün mövqelərini darmadağın edərək ərazi bütövlüyümüzü və suverenliyimizi tam bərpa etdi, 30 il ərzində ağıdılan göz yaşlarır sevinc göz yaşlarına çevrirdi".

Telegramda izləyin