Azərbaycanda pensiya yaşı azaldılır? - AÇIQLAMA

Pensiya yaşının azaldılması Azərbaycanda uzun müddətdir ki, müzakirə olunan əsas mövzulardan biridir. Bəs görəsən Azərbaycanda pensiya yaşı azaldıla bilərmi?

Mövzu ilə bağlı sosiloq Üzeyir Şəfiyev Sonxeber.az – a açıqlama verib:

"Pensiya yaşı əsasən insanların orta ömür uzunluğu ilə müəyyənləşdirilir. Bəzi ölkələrdə pensiya yaşı çoxdur, bəzilərində isə az. Bunun səbəbi həmin ölkələrdəki insanların orta ömür uzunluğudur. Azərbaycanda orta ömür uzunluğu kişilər üçün 71, qadınlar üçün 76-dır. Bir var real orta ömür uzunluğu, biri də var gözlənilən. Pensiya yaşı gözlənilən orta ömür uzunluğuna əsasən hesablanmamalıdır. Pensiya yaşı üçün real orta ömür uzunluğu əsas götürülməlidir. Əgər real ömür uzunluğu 71-76 yaş aralığındadırsa, deməli Azərbaycanda indiki pensiya yaşı nisbətən yuxarıdır. Bunun aşağı endirilməsi müzakirə edilə bilər".

Bəziləri pensiyaya çıxandan sonra da işləməyə davam edirlər:

"Azərbaycanda kişilərin pensiya yaşı 65, qadınların isə 63-dür. 2027-ci ildən qadınlar da kişilərlə bərabər pensiya yaşına sahib olacaqlar. Biz bir statistikanı da diqqətdə saxlamalıyıq ki, Azərbaycanda kişilər qadınlara nisbətən az yaşayırlar. Dünyasını dəyişmiş kişilərin hardasa 40 faizdən yuxarı hissəsi pensiya kapitalına malik olsalar da, onlar pensiya yaşına çatmadan dünyasını dəyişir. Bu çox ciddi məsələdir. Ola bilər ki, bu insan xəstədir. Müalicəsi üçün pul lazımdır. Amma pensiya kapitalına yığılan pulu istifadə edə bilmədən dünyasını dəyişir. Xəstəliklər, müəyyən mailiyyə böhranları zamanı pensiya kapitalından istifadə imkanlarını vətəndaşlara tanımaq lazımdır. Bu ədalətli yanaşma olardı. Bəzi təbəqələr var ki. onların pensiya yaşının endirilməsinə xüsusilə ehtiyac var. Məsələn çətin şərtlərdə işləyənlər. Onlar müəyyən yaşdan sonra artıq həmin ağır işlərdə işləyə bilmirlər. Amma pensiya yaşı endirilmədiyindən və ya aldıqları pensiyanının məbləği də onlara yetmədiyindən məcburən hətta pensiyaya çıxandan sonra da işləməyə davam edirlər. Çox yaxşı olar ki, pensiya yaşı adekvat olsun və insanlar pensiya yaşına çatanda işdən çıxsınlar. Sağlam, xoşbəxt şəkildə yaşlılıq dövrünü yaşasınlar. Hazırki pensiya yaşı orta ömür uzunluğuna uyğun gəlmir. Çünki orta ömür uzunluğu diqtə edir ki, pensiya yaşı azalsın. Bundan başqa alternativ pensiya fondları yaradıla bilər ki, insanlar ehtiyac olduqda ora müraciət etsinlər. Amma bu nə dərəcədə dövlətin maliyyə imkanlarına uyğun gəlir, biz bunu deyə bilmərik".

Çiçək Sadatova

Telegramda izləyin

instagramda izləyin