Qonşu davasında bir ailənin iki üzvü bıçaqlandı

Ankaranın Polatlı rayonunda Hazal Gencer adlı qadın qonşusunun əri Həsən Kamış tərəfindən bıçaqlanaraq öldürülüb.

Sonxeber.az türk mediasına istinadən xəbər verir ki, hadisə ötən gün Şehitlik məhəlləsi Kızılcık küçəsində baş verib. 2 mərtəbəli binanın 2-ci mərtəbəsində yaşayan Hazal Gencer ötən axşam evinin balkonunda xalçalarını təmizlik üçün çırpmağa başlayıb. Yuxarı mərtəbədə yaşayan Meryem Kamış qonşusunun eyvandan xalçanı çırpmasından narahat olduğu üçün reaksiya verib. Tərəflər arasında mübahisə yaranıb. Mübahisə dogər qonşuların müdaxiləsi ilə başa çatıb.

Hadisədən sonra Meryem Kamışın əri Həsən Kamış özü ilə bıçaq götürərək həyat yoldaşının mübahisə etdiyi qonşusunun qapısına gedib. Burada Həsən Kamış ilə Hazal və Vedat Gencer cütlüyü arasında mübahisə yaranıb. Mübahisə zamanı Həsən Kamış cütlüyü bıçaqlayıb. Hazal Gencer hadisə yerində həyatını itirib, Vedat Gencer isə ağır yaralanıb.

Hadisədən sonra polisə təslim olan Həsən Kamış məhkəmə tərəfindən həbs edilərək həbsxanaya göndərilib. Həyat yoldaşı Meryem Kamış məhkəmə nəzarəti şərti ilə sərbəst buraxılıb.

Həsən Kamış ifadəsində: "Mən Vedatla Gencerlə dava edirdim. Hazalı öldürmək istəmirdim. O davaya müdaxilə etdiyi üçün bıçaqlandı. Mən onun ölümünü polisə təslim olduqdan sonra öyrəndim" , - deyə bildirib.

Telegramda izləyin