"Ofisait" mağazalar şəbəkəsinin sahibinin cərimələnməsinin səbəbi açıqlandı

Məktəb və ofis ləvazimatlarının tədarükçüsü "İnci Group of Companies" QSC cərimələnib.

Pravda.az-ın xəbərinə görə, Azərbaycan Yerüstü Nəqliyyat Agentliyi tərəfindən şirkət barəsində İnzibati Xətalar Məcəlləsinin 326-2.3-cü (Taksi sifarişi operatorlarının informasiya sistemlərində olan taksi sifarişləri, habelə sürücünün iş və istirahət rejimi ilə bağlı məlumatların "Avtomobil nəqliyyatı haqqında" Azərbaycan Respublikasının Qanununa uyğun olaraq müvafiq icra hakimiyyəti orqanının müəyyən etdiyi orqanın (qurumun) informasiya sisteminə real vaxt rejimində ötürülməsini təmin edən mexanizmin yaradılmamasına və ya həmin mexanizmin fəaliyyət göstərməməsinə görə vəzifəli şəxslər beş min manat məbləğində, hüquqi şəxslər iyirmi min manat məbləğində cərimə edilir) maddəsinə əsasən cərimə protokolu tərtib edilib.

Protokola Binəqədi Rayon Məhkəməsində baxılıb, hakim Solmaz Mustafayevanın sədrliyi ilə keçirilən prosesdə qərar elan olunub. Qərarla şirkətə inzibati tənbeh tətbiq edilib, yəni cərimələnib.

Xatırlatma: "İnci Group of Companies" 1995-ci ildən fəaliyyət göstərir. "Ofisait" mağazalar şəbəkəsinə malik olan şirkət "Oyal" ticarət nişanı altında məktəb, ofis, idman və rəssamlıq ləvazimatları, məişət əşyaları və texnikası, oyuncaqlar və s. satışı ilə məşğuldur.

Telegramda izləyin

instagramda izləyin