NEXTOOL - Azərbaycan Startapı Qlobal Miqyasda Səs Salır!

NEXTOOL, Jafar Najafov və Aqil Zeynalov tərəfindən qurulan Azərbaycan startapı, qısa müddətdə qlobal texnologiya bazarında böyük uğur qazanaraq, Yahoo Finance və Business Insider kimi nüfuzlu media orqanlarında yer alıb.

Hal-hazırda NEXTOOL, 10,000-dən çox süni intellekt (AI) alətini təqdim edən ən böyük kataloqlardan biridir. Layihə, istifadəçilərin ehtiyaclarına uyğun AI alətlərini tapmalarını təmin edərək onları daha əlçatan edir. NEXTOOL-un həmtəsisçisi Jafar Najafov bu uğur haqqında qeyd edir: "Başlanğıcda sadəcə Google Sheet vasitəsilə müxtəlif AI alətlərini toplayırdıq. Sonra bu məlumatları bir platformada toplamaq ideyası yarandı və beləliklə NEXTOOL-u qurduq."
NEXTOOL, platformanın inkişafı üçün 1 milyon ABŞ dolları həcmində investisiya cəlb etmək mərhələsindədir. Bu maliyyə dəstəyi, platformanın istifadəçi təcrübəsini artırmaq, iOS və Android mobil tətbiqlərinin hazırlanması, eləcə də bazarın genişlənməsi istiqamətində istifadə ediləcək. Həmtəsisçi Agil Zeynalov bu maliyyələşmə mərhələsinin NEXTOOL-un abunəçilər bazasını genişləndirmək və yeni bazarlara çıxmaq üçün vacib olduğunu bildirir: "Yığacağımız investisiya ilə qlobal səviyyədə istifadəçi sayını artırmaq və AI alətlərini hər kəs üçün əlçatan etmək niyyətindəyik."
NEXTOOL hal-hazırda İngilis və İspan dillərində fəaliyyət göstərir və yaxın aylarda Türk, Çin və Fransız dillərini də əlavə etməyi planlaşdırır. Bu, platformanın daha geniş auditoriyaya çıxmasına və AI texnologiyasını hər kəs üçün daha əlçatan etməsinə kömək edəcək.
Bundan əlavə, NEXTOOL-un həftədə iki dəfə 100,000-ə yaxın abunəçisinə AI sahəsində son yenilikləri çatdıran xüsusi newsletter xidməti mövcuddur. Hubspot və Fiverr kimi dünya şöhrətli şirkətlər NEXTOOL-un müştəriləri sırasındadır.
Azərbaycanın qlobal səviyyədə tanınan bu innovativ startapı haqqında daha ətraflı məlumat əldə etmək və NEXTOOL-un uğur hekayəsinə şahid olmaq üçün Nextool rəsmi saytına baş çəkə bilərsiniz.

Telegramda izləyin