Məşhur aktyor tənqid olunan fotoları üçün üzr istədi

İstanbulun Fatih şəhərində 19 yaşlı Semih Çelik sevgilisinin başını kəsərək şəhər divarlarından atdıqdan sonra ordan özünü ataraq intihar edib.

Sonxeber.az türk mediasına istinadən xəbər verir ki, Türkiyəni silkələyən bu hadisədən sonra sosial media istifadəçiləri ayağa qalxıb. Məşhur aktyor Uraz Kaygılaroğlunun aylar əvvəl sərgi üçün əlində qəssab bıçağı, qadın başı və qan içində verdiyi pozalar müzakirələrə və qınağa səbəb olub.

Müzakirələrin ardından Kaygılaroğlu açıqlama verib. Fotoları bir dostunun sənət əsərinə dəstək olmaq üçün çəkdiyini deyən aktyor üzr istəyib. O açıqlamasında bu sözləri deyib:

"Sosial mediada və mətbuatda haqqımda çıxan xəbərlərə, reaksiyalara cavab vermək ehtiyacı hiss etdim. Məqsədim mənim üçün dəyərli bir insanın sənət əsərinə dəstək olmaq idi. Amma mənim dəstəyim cəmiyyətimizdə narahatlıq yaradıbsa, bunu sadəcə sənət kimi qiymətləndirə bilmərəm və çox kədərli olduğumu bildirmək istəyirəm. Məqsədim heç bir şəkildə pis hisslər yaratmaq deyildi, ona görə də hər kəsdən üzr istəyirəm"

Telegramda izləyin

instagramda izləyin