Məşhur model evində ölü tapıldı

Meksikanın Monterrey şəhərində yaşayan 36 yaşlı model Sindi Elizabet Perez ötən cümə günü evində faciəvi şəkildə ölü tapılıb.

Sonxeber.az xarici mediaya istinadən xəbər verir ki, hadisə Perezin 3 yaşlı oğlunu uşaq bağçasından götürməyi unutduqdan sonra narahat olan yaxınlarının polisə məlumat verməsi ilə üzə çıxıb.

Polis səhər saat 9 radələrində Perezin mənzilinə girib və orada axtarış aparıb. Gənc qadını yataqda çılpaq və ölü tapıb. İlkin müayinədə Perezin boynunda bıçaq xəsarətləri və bədəninin müxtəlif yerlərində yaraların olduğu müəyyən edilib. Bundan əlavə, onun üzünə yastıq qoyularaq boğulduğu bildirilib.

İstintaq çərçivəsində Perezin sevgilisi olduğu zənn edilən şəxsin mütəmadi olaraq evə baş çəkdiyi öyrənilib. Polis həmin şəxsi axtarır.

Hadisə ilə bağlı başladılan istintaq davam edir.

Telegramda izləyin