Gəlin toyuna bir neçə gün qalmış müəammalı şəkildə dünyasını dəyişdi

Toyuna bir neçə gün qalmış ailəsi ilə 2 həftəlik tətilə çıxan Kirsti Ernşonun cəsədi otel işçisi tərəfindən hovuzdan tapılıb.

Sonxeber.az trürk mediasına istinadən xəbər verir ki, Karib dənizindəki Sent-Lüsiya adasında baş verən hadisədə qadının ölüm səbəbi ilə bağlı dəqiq bir nəticəyə gəlmək mümkün olmayıb.

Qadının hovuza düşməzdən əvvəl narkotikin təsiri altında ola biləcəyi və buna görə də boğularaq öldüyü ehtimal edilib. Bununla belə, Ernşonun anası qızının çox yaxşı üzgüçü olduğunu və narkotikdən istifadə etmədiyini iddia edib.

Müəmmalı şəkildə dünyasını dəyişən Ernşonun sağlamlıq tarixçəsi araşdırıldığında, onun təxminən 10 il əvvəl həddindən artıq spirtli içki qəbul etdiyinə dair bəzi məlumatlar ortaya çıxdı, lakin Ernşonun ailəsi qızlarının son vaxtlar buna diqqət yetirdiyini və spirtli içkilərdən uzaq durduğunu bildirib.

Tibbi ekspertiza araşdırması zamanı qadının ürək sistemində irsi anormallıq ola biləcəyi bildirilib. Dr. Edvin Kuper irsi anormallıq zamanı ailə üzvlərinin kardioloq müayinəsindən keçməsini tövsiyə etsə də, məhkəmə-tibb ekspertləri hələ də mübahisəli məsələ ilə bağlı dəqiq bir nəticəyə gəlməyiblər.

Telegramda izləyin