"Aylıq 950 manat maaş alan polis övladının illik təhsil haqqını ödəməkdə çətinlik çəkir" – AÇIQLAMA
"Azərbaycan Respublikası Daxili İşlər Nazirliyinin Daxili Qoşunların Baş İdarəsinin hərbi qulluqçularının aylıq vəzifə (tarif) maaşlarının məbləğləri"ndə dəyişiklik edilib. Bununla bağlı Baş nazir Əli Əsədov Qərar imzalayıb. Bu Qərar 2024-cü il iyulun 1-dən tətbiq edilir.
Bəs görəsən bu dəyişikliklər polislərə də aid ediləcək?
Mövzu ilə bağlı Sonxeber.az – a açıqlama verən "Polisə dəstək" İctimai Birliyinin sədri Şəmsəddin Əliyev bildirib ki, polislərin əmək haqqı artırılmalıdır:
"Polislərin əmək haqqı artırılmalıdır. Bütün sahələrdə qiymətlərin artımı, iqtisadi və sosial çətinliklərin çoxaldığı bir ərəfədə polisin əmək haqqının artırılmaması onun cinayətkarlıqla mübarizə fəaliyyətinin səmərəli həyata keçirilməsinə öz mənfi təsirini göstərir.. Bu gün Azərbaycan polisini Avropadakı ilə müqayisə edəndə əmək haqqının azlığı aydın görünür. Amma peşəkarlığın həyata keçirilməsi və cinayətkarlıqla mübarizə siyasətinin formalaşdırılmasında qətiyyətlilik də Azərbaycan polisini dünyanın polislərindən fərqlənir.
15 il daxili işlər orqanlarında xidmət aparan mayor rütbəli polisin əməkhaqqı 950 manatdır. Sosial fonda vergiləri nəzərə alsaq aylıq əldə etdiyi gəlir təxminən 850 manat edir. Düşünəndə ki, polisin övladları ali təhsil məktəblərində ödənişli əsaslarla oxuya bilər və təhsil haqları da 2000-3000 manatdır. Bu halda polisin yaşam tərzi sual altında qalır. Övladının illik təhsil haqqını ödəməkdə çətinlik çəkir. Normal olaraq polis öz sosial və iqtisadi çətinliklərini, ehtiyaclarını təmin etmək üçün mütləq mənada başqa yollar axtarmağa başlayır. Belə yolların axtarışı isə onları cinayətkarlıqla mübarizdə yubada bilər. Polis əməkdaşları kommisyon normalardan artıq iş rejiminə cəlb olunurlar. Onlar 8 saat işləmirlər, həftəsonları, bayram günləri istirahət etmirlər. Bütün bu fəaliyyətləri xalqın rahatlığını təmin etmək üçündür. Buna görə düşünürəm ki, maaş artımı mütləq mənada olmalıdır. Çünki bu zamanın tələbidir. Bu olmasa cinayətkarlıqla mübarizədə sapmalar yaranacaq".
Milli Məclisin komitə sədrlərinə 200 minlik xidməti maşın ayrılıb:
"Bu yaxınlarda mətbuatda oxudum ki, milli məclisin komitə sədrlərinə xidməti maşın kimi Mercedes Benz markalı avtomobillər istifadəyə verilir. O maşınların qiyməti 200 min manata yaxındır. Bütövlükdə komitə sədrlərinə verilən bu xidməti maşınlar milyon yarımdan çox dəyərindədir. Düşünürəm ki, əmək haqqının artımı məqsədi ilə bu tip halları budamaq lazımdır. Olmasın 200 minə yaxın Mercedes Benz, olsun daha münasib qiymətli Tayota markalı maşın. Bu şəkildə dövlət büdcəsindən gedən pullara qənaət etməklə Azərbaycan Respublikasının dövlətçiliyini qoruyan, sabitliyi davamlı edən polisin əmək haqqının artırılmasına nail olmaq olar. Bu gün Azərbaycan polisinin əmək haqqı nə Baş Prokurorluqda çalışan, nə də Dövlət Təhlükəsizlik Xidmətində çalışan şəxsi heyyətin maaşları ilə müqayisə belə olunmur".
Çiçək Sadatova
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş