Əlilliyə görə nəzərdə tutulan sosial müavinətlər bu vaxtdan artırılacaq - AÇIQLAMA

Daha çox müzakirə olunan əsas problemli məsələlərdən biri də sosial müavinətlərin artırılması ilə bağlıdır. Sosial müavinətlər içərisində xüsusi diqqətin göstərilməsi tələb olunan isə əlilliyə görə veriləndir. Bəs, 2025-ci ildən sözügedən müavinətin artırılması gözlənilirmi?

Mövzu ilə bağlı Sonxeber.az-a iqtisadçı ekspert Pərviz Heydərov danışıb.

İqtisadçı ekspert açıqlamasında 2019-cu ildən bu yana baş tutan 4-cu sosial paketdən sonra, yeni ildə 5-ci sosial paketin icrası baş tutacaq və burada əlilliyə görə nəzərdə tutulan sosial müavinətin artırılması da gözlənildiyini qeyd edib:

"Bildiyimiz, kimi bu yaxınlarda dövlət başçımız Millim Məclisin yeni tərkibdə ilk iclasındakı çıxışı zamanı minimum əməkhaqqının və minimum pensiya məbləğinin artırılması haqqında hökumətə göstəriş verildiyini bəyan etdi. Bundan əlavə Prezident yanında keçirilən iqtisadi məsələlərə həsr olunan müşavirədə də dövlət başçımız bir daha vurğuladı ki, hökumətə minimum əməkhaqqı və minimum pensiya məbləğinin artırılması haqqında göstəriş verib. Artıq bəlli olan budur ki, gələn ilin yanvar ayından minimum əməkhaqqının artırılacaqdır. Amma sosial müvinətlərə gəldikdə isə bu sahədə də artımın olub-olmayacağı dəqiq bəlli deyil.

Bütövlükdə isə 2025-ci ilin dövlət büdcəsindən sosial istiqamətdə ayrılan məbləğlə əsasən qeyd etmək olar ki, növbəti ildə 2019-ci ildən bu yana həyata keçirilən sayca 4-cü sosial paketdən sonra, gələn il 5-ci sosial paketin icrası baş tutacaq və yəqin ki, onun tərkibində sosial müavinətlər də artırılacaq. Əlilliyə görə verilən sosial müavinətin də artırılacağı istisna deyil. Yeri gəlmişkən onu da qeyd etmək istəyirəm ki, həqiqətən də bölgədə bir neçə sayda və təyinatda müvafiq olaraq sosial müvinətlər mövcutdur və verilir. Bunların içərisində xüsusi diqqət tələb edən və daha çox artıma ehtiyacı olan düşünürəm ki, məhz əlilliyə görə verilən sosial müavinətdir. Yaxşı olardı ki, müavinətlər içərisində əlilliyə görə verilən sosial müavinətin daha ço artılması üçün xüsusi diqqət yetirilsin. Çünki, əlilliyə görə verilən sosial müavinət aşağı səviyyədədir. Bu insanların xüsusi qayğıya ehtiyacı var. Misal üçün, l qrup şəxslərə aylıq 100 manat məbləğində sosial müavinət verilir ki, bu da çox aşağıdır. Odur ki, bu məbləğlər daha çox artırılsa yaxşıdır".

Vüsalə İbrahimli

Telegramda izləyin