11-ci sinif şagirdi bıçaqlandı - 7-ci sinif şagirdi saxlanıldı-Yenilənib

Beyləqanda məktəblilər arasında baş verən mübahisə bıçaqlanma ilə nəticələnib.

Sonxeber.az APA-ya istinadən xəbər verir ki, hadisə Beyləqan şəhəri ərazisində qeydə alınıb.

Beyləqan rayon 2 saylı məktəbin 11-ci sinif şagirdi H. H. həmyerlisi 7-ci sinif şagirdi H. Q. tərəfindən bıçaqlanıb.

Hadisə dərsdən sonra baş verib. H.Q. polis əməkdaşları tərəfindən saxlanılıb.

Faktla bağlı Beyləqan RPŞ-də araşdırma aparılır.

***

Hadisə ilə bağlı Tibbi Ərazi Bölmələrini İdarəetmə Birliyindən (TƏBİB) sorğumuza belə cavab verildi:

"Ötən gün saat 13:00 radələrində 2008-ci il təvəllüdlü şəxs xəsarət alması səbəbilə Beyləqan Rayon Mərkəzi Xəstəxanasına hospitalizasiya olunub. Ona qarının ön divarından daxilə keçən, mədənin ön və arxa divarlarının kəsilmiş-deşilmiş yarası diaqnozu təyin olunub. Xəsarət alan şəxsə zəruri cərrahi və reanimasiyon tibbi yardım göstərilib.

Hazırda tibb müəssisəsində müalicəsi davam etdirilir. Vəziyyəti kafi olaraq qiymətləndirilir".

Telegramda izləyin