Məşhur aktrisa ilk dəfə hamiləlik prosesindən danışdı

İtaliyada ailə quran Pınar Dəniz və Kaan Yıldırım uşaq gözləyir.

Sonxeber.az türk mediasına istinadən xəbər verir ki, viza problemi üzündən Dənizin valideynləri Romadakı toyda iştirak edə bilməyib. Məşhur cütlük ailə arasında toy süfrəsi təşkil edib. Onlar yemək zamanı çəkdirdikləri foto ilə körpələrinin cinsini açıqlayıblar.

Kaan Yıldırım paylaşdığı posta mavi ürəklə "oğlan" körpə gözlədiklərini açıqlayıb.

Pınar Dəniz hamiləlik prosesi ilə bağlı jurnalistlərin suallarına cavab verib.

Səhifə 2-yə danışan ulduz, "Hamiləliyimdən zövq alıram. Artıq hər şey aydın olduğu üçün danışa bilərəm. Bəli, körpəmiz oğlandır. Adını hələ düşünməmoşik" deyə bildirib.

Hazırda heç bir layihəsi olmadığını bildirən ulduz, "İnşallah, uşağımı sağ-salamat dünyaya gətirəcəm, ona baxacam, sonra təbii ki, ekrana qayıdacağam" deyib.

Telegramda izləyin