"Azərbaycanın BRICS sammitindəki rolunun iqlim diplomatiyasına olan təsiri geniş perspektivlər açır" - DEPUTAT

"Azərbaycanın BRICS sammitində iştirakı, ölkəmizin beynəlxalq platformalarda aktiv rol oynadığını və iqtisadi əlaqələrini genişləndirmək istədiyini göstərir".

Bunu Sonxeber.az-a danışan deputat Şahin Seyidzadə bildirib.

Deputat qeyd edib ki, BRICS, inkişaf edən ölkələr arasında əməkdaşlığı gücləndirmək məqsədini daşıyır, bunun üçün Azərbaycanın bu qrupda yer alması, onun strateji mövqeyini və regional təsirini artırma cəhdi kimi qiymətləndirilə bilər:

"Eyni zamanda, bu, enerji, ticarət və investisiya sahələrində yeni imkanların yaranmasına da səbəb ola bilər. Azərbaycanın COP 29 sədr ölkəsi olaraq BRICS sammitində iqlim diplomatiyasını aktiv şəkildə formalaşdırması üçün bir neçə əhəmiyyəti vardır. İqlim dəyişikliyi qlobal bir problemdir və Azərbaycanın bu sahədə liderlik etməsi, inkişaf edən ölkələrin maraqlarını bir daha ölkəmizi tanıtmağına zəmin yaradır. Azərbaycanın iqlim diplomatiyasındakı aktivliyi, regionda ekoloji siyasətlərin formalaşmasına təsir edir və bu baxımdan müzakirələrə səbəb ola bilər. Belə müzakirələr qonşu ölkələrlə əməkdaşlığı gücləndirilməsinə təsir edəcəkdir. İqlim tədbirlərinə diqqət, beynəlxalq investisiyaları cəlb etməkdə önəmlidir, bu da iqtisadi inkişaf və dayanıqlılıq üçün əlverişli ola bilər.

BRICS ölkələrinin iqlim məsələlərində əməkdaşlığı, qlobal səviyyədə birgə həll yollarının tapılması üçün mühüm platforma yaradır. Bu səbəblərdən, Azərbaycanın BRICS sammitindəki rolunun iqlim diplomatiyasına olan təsiri geniş perspektivlər açır".

Telegramda izləyin