"Barselona" Portuqaliya klubunun hücumçusunu transfer etmək istəyir

İspaniyanın "Barselona" klubu Portuqaliya təmsilçisi "Sportinq"in hücumçusu Viktor Dyekereşi transfer etmək istəyir.

"Report" "A Bola"ya istinadən xəbər verir ki, kataloniya təmsilçisinin rəhbərliyi bu transfer üçün sövdələşməyə 19 yaşlı hücumçu Vitor Rokenin daxil edilməsi variantını nəzərdən keçirir.

26 yaşlı isveçli hücumçunun müqaviləsi vaxtından əvvəl ləğv olunarsa, onun klubuna 100 milyon avro ödənilməlidir. Kataloniya klubu isə V.Rokeni təklif etməklə bu məbləği azaltmaq niyyətindədir.

Qeyd edək ki, cari mövsümdə V.Dyekereş bütün turnirlərdə 16 matçda iştirak edib, 20 qol və dörd məhsuldar ötürmə ilə yadda qalıb. Oyunçunun klubla hazırkı müqaviləsi 2028-ci ilin yayına qədər nəzərdə tutulub. "Transfermarkt" portalı futbolçunun bazar dəyərini 70 milyon avro qiymətləndirir.

Telegramda izləyin