"Cəmi 44 gün davam edən Vətən müharibəsi müasir Azərbaycan tarixinin ən şanlı səhifəsi və qürur mənbəyidir" - Emil Əkbərov

"Azərbaycan 44 günlük Vətən müharibəsində tək ərazi bütövlüyünü bərpa etməsi, həm BMT Təhlükəsizlik Şurasının Qarabağla bağlı qəbul etdiyi 4 qətnaməni özü icra etdi".

Bunu Sonxeber.az-a danışan "BİG Media" MMC-nin direktoru Emil Əkbərov bildirib.

Emil Əkbərov qeyd edib ki, cəmi 44 gün davam edən Vətən müharibəsi müasir Azərbaycan tarixinin ən şanlı səhifəsi və qürur mənbəyimizdir:

"Azərbaycan 30 ilə yaxın müddətdə ərazisinin 20%-ini işğal edən və tarix boyu xalqımıza qarşı müxtəlif vandalizm və soyqırımlar törədən Ermənistanla danışıqlar apararaq münaqişəni sülh yolu ilə nizamlamağa çalışdı. Təəssüf ki, keçən dövr ərzində danışıqlar heç bir nəticə vermədi. Əksinə Ermənistan havadarlarının köməyi ilə status-kvonu möhkəmləndirməyə və işğal etdiyi torpaqlarımızı əbədi özündə saxlamağa çalışırdı. Belə olan halda da Azərbaycan işğalla barışa bilməzdi və barışmadı.

Ulu öndər Heydər Əliyev tərəfindən əsası qoyulan siyasətu uğurla davam etdirən cənab prezident İlham Əliyev ölkənin ərazi bütövlüyünün bərpası üçün tətbiq etdiyi düzgün strategiya nəticəsində Azərbaycan güc toplamağa başladı. İqtisadi müstəqillik təmin edildi. Bununla da ölkəmiz iqtisadi cəhətdən heç bir ölkədən və beynəlxalq maliyyə qurumundan asılı olmayan müasir dövlətə çevrildi. Əlbəttə, ölkənin iqtisadi cəhətdən gücləmməsi ordu quruculuğunda da dönüşə səbəb oldu. Azərbaycan Ordusunun arsenalı ən müasir silah və hərbi texnika ilə gücləndirildi. Hərbçilərin bilik və bacarıqları artırıldı. Onların sosial müdafiəsinin və iş şəraitinin yaxşılaşdırılması istiqamətində mühüm addımlar atıldı.

Azərbaycanın müdafiə sənayesi inkişaf etdirildi və ordunun maddi-texniki bazası gücləndirildi. Ordunun daxili ehtiyatının böyük hissəsi daxili istehsal hesabına təmin olundu. Ən əsası Azərbaycan xalqı ötən 30 illik ərzində işğalla barışmadı və cənab prezident İlham Əliyevin rəhbərliyi dövründə yetişən vətənpərvər gənclər ərazi bütövlüyümüzü bərpa etmək hər cür fədakarlığa hazır olduqlarını hər zaman sübut etdilər.

Azərbaycan dəfələrlə Ermənistanı işğal etdiyi ərazilərimizi sülh yolu ilə geri qaytarmağa çağırdı. Ermənistan nəinki bu çağırışlara məhəl qoymadı, əksinə, yeni Azərbaycan torpaqlarını işğal etməyə həvəslənərək hərbi təxribatlar törədirdi".

Emil Əkbərov söyləyib ki, 2016-cı ilin Aprel döyüşlərindən, 2020-ci ilin İyul döyüşlərindən Ermənistanın hərbi-siyasi rəhbərliyi lazımi dərs çıxarmadı:

"Əksinə Ermənistan sərhəddə vəziyyəti daha da gərginləşdirməyə davam etdi. 2020-ci il sentyabrın 27-də Ermənistanın növbəti irimiqyaslı hərbi əməliyyatlara başlayaraq Azərbaycan Ordusunun mövqelərinə və mülki yaşayış məntəqələrinə atəş zərbələri endirməsinə cavab olaraq əks-hücum əməliyyatıba başlanıldı. Sonradan "Dəmir Yumruq" adını alan bu əməliyyat Vətən müharibəsinə çevrildi. 44 gün davam edən Vətən müharibəsində qəhrəman oğulları düşməni döyüş meydanında məğlub edərək ərazi bütövlüyümüzü bərpa etdi. Şuşa döyüşləri tarixə qəhrəmanlıq salnaməsi kimi həll olundu. Hətta Şuşada istifadə edilən döyüş taktikası dünyanın bir çox lider dövlətlərini heyrətə gətirib. Azərbaycan ordusu qarşısında davam gətirə bilməyən və biabırçı məğlubiyyətə uğrayan Ermənistan 2020-ci il noyabrın 10-da kapitulyasiya aktını imzalamalı oldu. Bununla da Azərbaycan-Ermənistan münaqişəsinə son qoyuldu".

Emil Əkbərov vurğulayıb ki, 3 ilə yaxın bir dövr keçməsinə baxmayaraq Ermənistan üçtərəfli bəyanatın müddəalarının təmin olunması ilə bağlı üzərinə götürdüyü öhdəlikləri yerinə yetirməkdən boyun qaçırırdı:

"Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının konstitusiya quruluşunun bərpa edilməsi məqsədilə Azərbaycan 19 sentyabr 2023-cü ildə lokal xarakterli antiterror əməliyyatına başlanıldı.24 saatdan az bir müddət davam edən antiterror əməliyyatları zamanı ordumuz tam qələbə qazandı və Azərbaycan öz suverenliyini bərpa etdi. Bununla da 20 il bundan əvvəl cənab prezident İlham Əliyev dövlət başçısı seçilən zaman doğma xalqına verdiyi sözü yerinə yetirdi".

Telegramda izləyin