"İlham Əliyev Birləşmiş Millətlər Təşkilatının İqlim Dəyişiklikləri üzrə 29-cu Konfransın çıxışında əsas məqamlara toxundu" - DEPUTAT

"İlham Əliyev Birləşmiş Millətlər Təşkilatının İqlim Dəyişiklikləri üzrə 29-cu Konfransın çıxışında bir neçə əsas məqamlara toxunmuşdur. Azərbaycanın beynəlxalq arenada fəal rolunu və müxtəlif ölkələr arasında körpü rolunu oynadığını vurğuladı".

Bunu Sonxeber.az-a danışan deputat Şahin Seyidzadə bildirib.

Deputat qeyd edib ki, Azərbaycanın həm siyasi, həm də iqtisadi sahədə çox mühüm beynəlxalq əlaqələr qurduğunu, həmçinin regional və qlobal məsələlərdə güclü bir təsir gücünə sahib olduğunu qeyd etdi:

"O, Azərbaycanın coğrafi mövqeyindən, həmçinin beynəlxalq layihələrdəki fəallığından bəhs etdi və bildirdi ki, 80 ölkədən olan dövlət və hökümət başçılarının iştirakı ilə keçirilən konfransda Qarabağ münaqişəsinin tarixinə toxunmamaq mümkün deyildir. Cənab Prezident, Azərbaycanın İkinci Qarabağ müharibəsindəki tarixi Qələbəsini və bunun nəticəsində ölkənin suverenliyini tam bərpa etdiyini vurğuladı. O, Azərbaycanın Beynəlxalq hüquq və BMT Təhlükəsizlik Şurasının qətnamələrini özünün icra etməsi və 30 il ərzində işğal altındakı ərazilərini azad etməsi ilə öz suverenliyini bərpa etdiyini bildirdi.
Prezident, Azərbaycanın bərpa olunan enerji sahəsindəki potensialını qeyd etdi və ölkənin gələcək enerji strategiyasını açıqladı. Azərbaycan, 2030-cu ilə qədər 6 GB bərpa olunan enerji gücü qurmağı planlaşdırır. Həmçinin, Azərbaycanın Xəzər və Qara dəniz vasitəsilə Avropaya yaşıl enerji ixrac etmək üçün mühüm layihələr həyata keçirdiyini bildirdi. Naxçıvan, Qarabağ və Şərqi Zəngəzur bölgələrinin yaşıl enerji zonası elan edilməsi, Azərbaycanın yaşıl enerji sahəsindəki ambisiyalarını göstərir".

Deputat vurğulayıb ki, Azərbaycan Respublikasının Prezidenti İlham Əliyev, Azərbaycanın iqlim dəyişikliyi ilə mübarizəyə və yaşıl keçidə sadiq olduğunu bildirdi:

"O, ölkəsinin bərpa olunan enerji sahəsindəki planları və layihələrini açıqlayaraq, COP29-un sədri olaraq, həm inkişaf etmiş, həm də inkişaf etməkdə olan ölkələr arasında əməkdaşlığı təşviq etməyə hazır olduqlarını vurğuladı.Eyni zaman Prezident, Azərbaycanın təbii sərvətləri ilə bağlı ədalətsiz ittihamları və təzyiqləri rədd etdi. Yalan məlumatlar və boykot kampaniyasına cavab olaraq, bu addımların heç bir təsir yaratmadığını və Azərbaycanın 72 min iştirakçı ilə müvəffəqiyyətlə bu böyük tədbiri həyata keçirdiyini açıqladı. Prezident, 196 ölkədən gələn nümayəndələrin Bakıya toplaşdığını və bütün dünyaya Azərbaycanın açıq və sülhsevər olduğunu bildirdi. Nitqdə Azərbaycanın COP29-a ev sahibliyi etməsinin əhəmiyyətini vurğulayaraq, ölkənin bu tədbirin uğurlu keçirilməsi üçün qlobal əməkdaşlıq qurmağı hədəflədiyini bildirib".

Telegramda izləyin