"Cənab prezident İlham Əliyev COP29-un Liderlər Sammitinin açılış mərasimindəki çıxışı zamanı çox mühüm məsələlərə toxundu" - DEPUTAT

"Azərbaycan Prezidenti İlham Əliyevin noyabrın 12-də Bakıda COP29-un Liderlər Sammitinin açılış mərasimindəki çıxışı zamanı çox mühüm məsələlərə toxundu. Cənab prezident İlham Əliyev qeyd etdi ki, Azərbaycanın COP29-a ev sahibliyi etməsi bizim fəal rolumuzun beynəlxalq arenada qiymətləndirilməsi deməkdir: "Demək olar ki, 200 ölkənin yekdil qərarı ilə Azərbaycana COP29-a ev sahibliyi etmək fürsəti nəsib oldu. Bu, bizim ölkəyə hörmət əlamətidir və bizim fəal rolumuzun beynəlxalq arenada qiymətləndirilməsi deməkdir".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, COP29-a ev sahibliyi etməklə Azərbaycan inkişaf etmiş və inkişaf edən ölkələr arasında konsensusun tapılmasına töhfə verməyə çalışacaq:

"Azərbaycan inkişaf etmiş və inkişaf edən ölkələr arasında konsensusun tapılmasına töhfə verərək Qlobal Cənubla Qlobal Şimal arasında əlaqələr qurulmasına çalışacaq.Azərbaycanın hər zaman başladığı meqalayihələr Avrasiyada enerji və daşımalar yollarını dəyişib. Şimal, Cənub, Qərb və Şərq məhz Azərbaycanın qovuşduğu bir məkandır. Burada enerji, mədəniyyət, o cümlədən daşımalar müxtəlif beynəlxalq iştirakçılar arasında baş tutur. Azərbaycanın başladığı meqalayihələr artıq Avrasiyada enerji və daşımalar yollarını dəyişib. Beləliklə, biz məhsuldar çoxtərəfli əməkdaşlıq formatı qurmuşuq".

Deputat söyləyib ki, Azərbaycan hər zaman mədəniyyətlərarası dialoqda fəal rol oynayır. Azərbaycan çoxtərəfliliyin tərəfdarıdır, eyni zamanda, mədəniyyətlərarası dialoqda fəal rol oynayır. Multikulturalizm dövlət siyasətimiz və həyat tərzimizdir. Azərbaycan xalqı etnik, dini mənsubiyyətindən asılı olmayaraq, digər millətlərlə hər zaman ahəngdar şəkildə, bir ailədəki kimi yaşayır. Təəssüf ki, Azərbaycan COP29-a ev sahibliyi edən ölkə kimi seçildikdən sonra bizə qarşı qarayaxma kampaniyası başlanıldı. Özünü müstəqil QHT adlandıranlar və erməni lobbisinin əlində oyuncağa çevrilən bəzi siyasətçilərin ölkəmiz haqqında dezinformasiyanın yayılmaq üçün bir-biri ilə yarışa giriblər. Hər zaman olduğu kimi bu dəfə də Azərbaycanı tutduğu düzgün yoldan döndərə bilmədilər və COP29-a yüksək səviyyədə ev sahibliyi etməkdəyik".

Telegramda izləyin