Ölkə başçısı COP29-un Liderlər Sammitinin açılış mərasimindəki çıxışı ilə Qərbin ikiüzlü siyasətini bütün çılpaqlığı ilə ortaya qoydu

"COP29 digərlərindən yüksəksəviyyəli təşkilatçılığı ilə fərqlənir və əminəm ki, bu bir neçə gündə qarşıya qoyulan bütün məqsədlərə uğurla nail olacağıq".

Bunu Sonxeber.az-a danışan "BİG Media" MMC-nin direktoru Emil Əkbərov bildirib.

Emil Əkbərov qeyd edib ki, COP29-a Azərbaycanın sədrlik etməsi ölkəmizin ətraf mühit məsələlərindəki liderlik rolunu bir daha nümayiş etdirir:

"Bu cür möhtəşəm tədbirə ev sahibliyi etməyimiz Azərbaycanın ətraf mühitin mühafizəsi və yaşıl enerji sahələrində atdığı nəhəng addımları dünyaya təqdim etməsi üçün mükəmməl fürsətdir. Xüusilə də 44 günlük Vətən müharibəsində əldə etdiyimiz möhtəşəm zəfərdən sonra Azərbaycan ətraf mühitin qorunması istiqamətində çox mühüm addımlar atmaqdadır. Ölkəmiz zəngin təbii sərvətləri, ətraf mühitin mühafizəsi və yaşıllaşdırma sahəsində də atdığı addımlarla diqqəti cəlb edir. COP29-un Bakıda keçirilməsi Azərbaycanın bu sahədəki uğurlarını beynəlxalq aləmə təqdim etməsi üçün əla fürsətdi".

Emil Əkbərov vurğulayıb ki, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirilməsi cənab prezident İlham Əliyevə və ölkəmizə olan etimadın sübutudur:

"Təbii ki, bu cür möhtəşəm tədbirə Azərbaycanın ev sahibliyi etməsi ilə barışmayan bəzi ölkələr və təşkilatlar tərəfindən ölkəmizə qarşı çirkin qarayaxma kampaniyasının başladılması gözlənilən idi. Dünya dövlətlərinin Azərbaycana, onun prezidentinə göstərdiyi bu böyük etimad bəzi ermənipərəst qüvvələrdə qısqanclıq yaratdı. Bu gün həmin qüvvələr apardıqları çirkin qarayaxma kampaniyası ilə ölkəmizin nüfuzuna xələl gətirməyə çalışırlar. Cənab prezident İlham Əliyev COP29-un Liderlər Sammitinin açılış mərasimindəki çıxışı zamanı erməni lobbisinin əlində oyuncağa çevrilən həmin qüvvələrə tutarlı cavab verdi. Dövlətimizin başçısının açılış mərasimindəki möhtəşəm çıxışı alqışlarla qarşılandı".

Emil Əkbərov vurğulayıb ki, ölkə başçısının mötəbər tribunadan səsləndirdiyi fikirlər günümüzün acı reallığını bir daha ortaya qoydu:

"Təəssüf ki, bu gün Azərbaycanla başqa dünyanın əksər dövlətləri Qərbin ədalətsiz yanaşmalarından, təzyiq və təhdidlərindən əziyyət çəkir. Cənab prezident İlham Əliyev COP29-un Liderlər Sammitinin açılış mərasimindəki çıxışı ilə qərbin riyakar və ikiüzlü siyasətini bütün çılpaqlığı ilə ortaya qoydu.

Azərbaycan 44 günlük Vətən müharibəsində BMT Təhlükəsizlik Şurasının otuz il kağız üzərində qalan qətnamələrinin tələblərini öz gücünə icra etdi.
Azərbaycanın beynəlxalq səviyyədə tanınmış ərazisinin 20 faizinin otuz ilə yaxın Ermənistan tərəfindən işğalına və bir milyona yaxın azərbaycanlının öz əzəli torpaqlarından didərgin düşməsinə baxmayaraq, biz güclü ölkə qura bildik, iqtisadiyyatı təmin etdik və müstəqil siyasət həyata keçirdik. Dörd il öncə əldə etdiyimiz möhtəşəm zəfərlə həm ərazi bütövlüyümüzü, həm də öz suverenliyimizi tam bərpa etdik. Biz zəfərimizi BMT-nin Nizamnaməsinə, beynəlxalq hüquqa, BMT Təhlükəsizlik Şurasının qətnamələrinə uyğun qazandıq. Həmin qətnamələr otuz il kağız üzərində qalmışdı. Biz həmin qətnamələrin tələblərini beynəlxalq hüququ və ədaləti öz gücümüzə bərpa edərək, Ermənistanın işğalına son qoyduq".

Telegramda izləyin