Yetkinlik yaşına çatmayanların törətdiyi cinayət əməlinə görə valideyinlər məsuliyyətə cəlb edilə bilərmi? - AÇIQLAMA

Bu gün Bakı şəhəri 329 nömrəli tam orta məktəbdə tənəffüs vaxtı (saat 12:10 radələrində) Х sinif şagirdi digər şagirdə (müvafiq səbəbdən şagirdlərin adı qeyd olunmur) qəfildən kəsici alətlə xəsarət yetirib".

Bu barədə Bakı Şəhəri üzrə Təhsil İdarəsi məlumat yayıb.

Bildirilib ki, xəsarət alan şagirdə müvafiq tibbi yardım göstərilib, dərhal təcili-tibbi yardıma və şagirdlərin valideynlərinə məlumat verilib.

"Məsələ aidiyyəti qurumlar tərəfindən nəzarətə götürülüb, müvafiq araşdırmalara başlanılıb. Həmçinin hüquq-mühafizə orqanları tərəfindən müvafiq araşdırma aparılır. İctimaiyyətdən araşdırma aparıldığını nəzərə alaraq, məsələyə daha həssas yanaşması, hadisə barədə rəsmi qurumların açıqlamalarına istinad edilməsi xahiş olunur", - deyə məlumatda bildirilib.

Məktəbliləri hansı cəza gözləyir?

Azərbaycan Respublikası Elm və Təhsil Nazirliyi tərəfindən Ümumi təhsil müəssisələrində şagird davranış qaydaları qəbul olunmuşdur. Həmin qaydalara əsasən, ağır qayda pozuntuları zamanı şagirdə aşağıdakə korreksiya edici tətbirlər tətbiq edilir: 1) dəstək üçün psixoloqa yönləndirilir; 2) Şagird bir neçə dəfə dərsdən sonra özünürefleksiya prosesinə cəlb olunur; 3) Valideyn/qanuni nümayəndəyə bildiriş məktubu göndərilir; 4) Müəllim, valideyn/qanuni nümayəndə, idarəetmə heyətinin üzvü və direktorla görüş təşkil olunur; 5) Sosial xidmət mərkəzlərinə müraciət edilir; Şagird haqqında YYÇİ (Yetkinlik yaşına çatmayanlarla iş) və hüquq müdafiəsi üzrə komissiyaya (və ya yerli polis idarəsinin Yetkinlik yaşına çatmayanlarla profilaktik işlərin təşkili şöbəsinin inspektorlarına) məlumat verilir .

Bəs görəsən yetkinlik yaşına çatmayanların törətdikləri cinayət əməllərində valideyinlər də müəyyən məsuliyyətə cəlb edilə bilərmi?

Vəkil Emil Aslanov Sonxeber.az – ın bu sualını cavablandırıb:

"Bu halda valideyinlər məsuliyyətə cəlb edilə bilməz. Onlar yalnız maddi ziyanın ödənilməsində iştirak edə bilər"

Çiçək Sadatova

Telegramda izləyin