Kosmik fəaliyyət haqqında qanunvericiliyin pozulmasına görə cərimələr ilk oxunuşda təsdiqlənib

Kosmik fəaliyyət haqqında qanunvericiliyin pozulmasına görə cərimələr ilk oxunuşda təsdiqlənib.

Sonxeber.az xəbər verir ki, bununla bağlı İnzibati Xətalar Məcəlləsinə yeni maddənin əlavə edilməsi haqqında layihə Milli Məclisin bugünkü plenar iclasında müzakirəyə çıxarılıb.

Yeni maddəyə əsasən, kosmik fəaliyyət haqqında qanunvericiliyin pozulmasına, yəni, Azərbaycan vətəndaşı və ya hüquqi şəxsi Azərbaycandan kənarda kosmik obyekt üzərində əmlak hüququnu əldə edənədək bu barədə milli kosmik operatora əvvəlcədən yazılı məlumat verməməsinə, Azərbaycanın kosmik obyektlərinin dövlət reyestrində qeydiyyata alınmış kosmik obyektin mülkiyyətçisinin kosmik obyektin istismardan çıxarılması barədə dərhal milli kosmik operatora yazılı məlumat verməməsinə, Azərbaycandan kənarda kosmik obyektin istehsalını sifariş etmiş Azərbaycan vətəndaşı və ya hüquqi şəxsi sifariş verdiyi andan 30 (otuz) gün müddətində bu barədə milli kosmik operatora yazılı məlumat verməməsinə görə fiziki şəxslər min beş yüz manatdan iki min manatadək məbləğdə, vəzifəli şəxslər iki min beş yüz manatdan üç min manatadək məbləğdə, hüquqi şəxslər dörd min manatdan beş min manatadək məbləğdə cərimə ediləcəklər.

Layihə səsverməyə qoyularaq birinci oxunuşda qəbul olunub.

Telegramda izləyin