"Ulu öndər Heydər Əliyevin uğurlu dövlət quruculuğu Azərbaycanın müstəqilliyini əbədi etdi" - DEPUTAT

"Ulu öndər Heydər Əliyevin dövlətimiz, xalqımız qarşısındakı xidmətləri sayəsində ölkəmiz yenidən hər hansı dövlətin yenidən müstəmləkəsinə çevrilməkdən xilas oldu".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, hər bir Azərbaycan vətəndaşı yaşadığı bu sabitliyi və əmin-amanlığı ümummilli lider Heydər Əliyevə borcludur:

"Uu öndər Heydər Əliyev 1993-cü ildə xalqın təkidli ilə hakimiyyətə qayıtmasaydı, bəlkə də bu gün Azərbaycan hər hansı ölkənin müstəmləkəsinə çevrilmişdir. O, qayıdışı ilə Azərbaycanı o illərdə hökm sürən xaosdan və vətəndaş müharibəsindən xilas etdi. Ulu öndər Heydər Əliyev Azərbaycanın gələcək inkişafının prioritetlərini və onların həyata keçirilməsinin yollarını göstərdi. Onun ən böyük arzusu dövlətimizi güclü və xalqımızı isə yüksək rifah şəraitində görmək idi. Məhz buna görə də da o, vətəndaşı olmağımızla qürur duyacağımız güclü və qüdrətli Azərbaycan üçün çalışıb. Ulu öndər Heydər Əliyevin vaxtilə arzu kimi açıqlanan bu hədəflər artıq reallıqdır. Ərazi bütövlüyünü öz gücünə bərpa edən qüdrətli dövlət, düşməni döyüş meydanında məhv edərək 30 illik işğala son qoyan güclü xalqıq".

Deputat vurğulayıb ki, müstəqilliyimizin bərpasının ilk illərində ölkəyə rəhbərlik edənləri ancaq özlərinin şəxsi maraqları düşündürdüyü üçün Azərbaycanı ucuruma aparırdılar. Ən çətin dövrdə xalqın xahişi ilə hakimiyyətə qayıdan ümummilli lider ider torpağına, vətəninə, xalqına bağlılığını bugünkü inkişafa böyük yol açması ilə təsdiqlədi:

"Bu gün əminliklə deyə bilərik ki, müasir və mütəqil Azərbaycan ulu öndər Heydər Əliyevin şah əsəridir:

"Azərbaycan xalqının və dövlətinin xilaskarı, ümummilli lider Heydər Əliyevin düşünülmüş siyasəti nəticəsində ölkəmizdə ictimai-siyasi sabitlik təmin edildi. Sosial-iqtisadi vəziyyəti yaxşılaşdırıldı, nizami ordu quruculuğu, eləcə də bütün sahələrdə dinamik inkişafın təmin edilməsi baxımından zəruri addımlar atıldı. 1994-cü il mayın 12-də cəbhədə atəşkəs əldə edildi, sentyabrın 20-də isə Azərbaycanın ən yeni tarixində dönüş nöqtəsi olan neft müqavilələri imzalandı. "Əsrin müqaviləsi" adlandırılan bu saziş ölkəmizin gələcək inkişafına və təhlükəsizliyinə etibarlı zəmin yaratdı, Azərbaycanın dünya xəritəsindəki yeri və mövqeyini möhkəmləndirdi. Bir sözlə ulu öndər Heydər Əliyevin uğurlu dövlət quruculuğu Azərbaycanın müstəqilliyini əbədi etdi".

Deputat söyləyib ki, bu gün ulu öndər Heydər Əliyevin siyasətini uğurla davam etdirən cənab prezident İlham Əliyevin
misilsiz xidmətləri sayəsində Dağlıq Qarabağ münaqişəsi tarixə qovuşdu:

Cənab prezident İlham Əliyevin müdrik və uzaqgörən siyasəti nəticəsində Azərbaycan daha da gücləndi və qüdrətləndi.Bütün sahələrdə inkişaf son həddə çatdırıldı. Ən önəmlisi isə gənclərin vətənpərvərlik ruhunda yetişdirilməsi 4 il öncə Ali Baş Komandan İlham Əliyevin "Hücum!" əmrinin yüksək əhval-ruhiyyə ilə qarşılanmasına və 44 gündə 30 ilin işğalına son qoyulmasına stimul oldu. Bu gün cənab prezident İlham Əliyevin adı tarixə qalib Sərkərdə, ordumuz ən güclü ordu kimi həkk olunub. Heydər Əliyev yolunun uğurları Azərbaycanı diktə edən tərəfə çevirib, torpaqlarımıza qovuşdurub".

Telegramda izləyin