"Fransa bölgədə yenidən gərginlik yaratmaq və Azərbaycanla Türkiyə qarşı təzyiq etmək üçün Ermənistandan istifadə edir" - DEPUTAT

"Ermənistan və Fransa arasında hərbi siyasi, siyasi və iqtisadi əməkdaşlıq çox sürətlə yüksələn xətlə davam etməkdədir".

Bunu Sonxeber.az-a danışan deputat Ramil Həsən bildirib.

Deputat qeyd edib ki, Əslində Fransa bölgənin yenidən gərginlik ocağına çevirmək, Cənubi Qafqaza daxil olmaq və Azərbaycanla Türkiyə qarşı təzyiq etmək üçün Ermənistandan istifadə edir:

"Bu gün bir çox ölkələr Ermənistan maşa kimi istifadə edilir. Xüsusilə də, Azərbaycan və Gürcüstana qarşı müəyyən zərbələrin endirilməsi üçün Ermənistandan istifadə olunur. Ermənistan Fransanın Cənubi Qafqazla bağlı oynadığı oyundakı peşkadan başqa bir şey deyil. Təəssüf ki, hərbi sahədə də bu özünü göstərir. Biz bütün bunları müqayisə edərkən görərik ki, Ermənistan maskalanmış şəkildə bütün dünyaya Azərbaycanla sülh müqaviləsi imzalamağa can atdığını bəyan edir, bir tərəfdən də sürətlə silahlanmağı, hərbi sənaye potensialını artırmaq üçün Fransa, Hindistan və digər ölkələrlə əməkdaşlıq haqqında sazişlər imzalaması şübhəsiz ki, başqa arzularından xəbər verir. Bu da Azərbaycanı məcbur edir ki, 2025-ci ilin dövlət büdcəsində hərbi potensialını, müdafiə qabiliyyətini, ordunun gücləndirilməsi üçün ayrılan vəsaiti artırsın".

Deputat vurğulayıb ki, biz bölgədə daimi sülh və sabitlik üçün dövlət olaraq güclü orduya sahib olmalıyıq:

"Çünki biz nə qədər ki, sülh müqaviləsi imzalamağa çalışsa da və bir çox istiqamətlərdə razılıq əldə edilsə də görünən odur ki, Ermənistan rəhbərliyi xalqının deyil də onu idarə edən ölkələrin maraqlarına uyğun addımlar atır. Bu istiqamətdə Azərbaycan öz mövqeyini bildirib. Ermənistanın atacağı hər hansı addıma Azərbaycan adekvat cavab tədbirləri görəcək. Azərbaycan bölgədə sabitliyin və sülhün hökm sürməsini istəyirik. Regionlar arası iqtisadi, siyasi və sosial sahələrdə böyük meqa layihələr həyata keçirilməsini istəyiriksək Ermənistan da bizim qədər maraqlı olmalıdır. Çünki bu layihələr Ermənistan əhalisi üçün Fransa ilə imzaladığı hərbi əməkdaşlıq haqqında sazişdən qatbaqat daha xeyirlidir. Əminəm ki, 2025-ci ildə Azərbaycan öz maraqları çərçivəsində sülh müqaviləsinin imzalanmasına nail olacaq və Ermənistanı Fransa kimi ölkələrin caynağından çıxarmaq imkanına malik olacaq".

Telegramda izləyin