"Silahlandırılan Ermənistan danışıqlarda pozucu mövqe tutacaq ve sülh sazişinin imzalanması yubadacaqdır" - DEPUTAT

"Ermənistan və Fransa arasında strateji müdafiə məsləhətləşmələri nəticəsində 2025-ci il üçün müdafiə əməkdaşlığı proqramı imzalanması gözlənilən idi . Həm Avropa İttifaqı, həm də Fransa regionda sülhə mane olan əsas qüvvələrdir . Bu baxımdan sözügedən tərəflərin Cənubi Qafqazla bağlı siyasətinin əsas istiqaməti Ermənistan üzərindən regiona müdaxilə etməkdir".

Bunu Sonxeber.az-a danışan deputat Müşfiq Cəfərov bildirib.

Deputat qeyd edib ki, Ermənistan əvvəlcə şirnikləndirilir, öz tərəfinə çəkilir:

"Daha sonra özündən asılı vəziyyətə salınır. Ən sonda isə Ermənistan Fransanın və Avropa İttifaqının Cənubi Qafqazla bağlı bütün tapşırıqlarını yerinə yetirir. Təbii ki, son illər yenilənən Müdafiə əməkdaşlıq proqramı Ermənistanı növbəti revanş cəhdlərinə və gərginliyə hazırlaşdırmağa hesablanıb. Bu dövlətin müdafiə və təhlükəsizlik imkanları artırılacaq. Bununla da Ermənistan sülhdən yayınacaq. Əsas məqsəd də elə budur. Ermənistan böyük və güclü dövlət deyil ki, Avropa İttifaqı ilə Fransa onunla əməkdaşlıqda bu qədər maraqlı olsun.

Fransanın növbəti dəfə belə addım atacağı gözlənilən idi. Onsuz da Fransanın Cənubi Qafqazda apardığı siyasət pozuculuq üzərində qurulub. Rəsmi Paris bütün gücüylə Cənubi Qafqazda münaqişənin alovlandırmağa çalışır. Bu məqsədlə də Ermənistanı silahlandırır. Yeni hərbi müqavilələr də bu siyasətin davamıdır.
Hətta bir neçə ay əvvəl Fransa ilə Ermənistan arasında SEZAR özüyeriyən artilleriya kurğularının alqı-satqısı barədə müqavilə imzalanmışdı. Düşünürəm ki, bu əməkdaşlıq təkcə müdafiə xarakterli yox, həm də hücum silahların Ermənistana verilməsinə şərait yaradacaqdır. Faktiki olaraq, Fransa açıq şəkildə Ermənistanı silahlandırmaqla məşğuldur. Aydın məsələdir ki, silahlandırılan Ermənistan danışıqlarda pozucu mövqe tutacaq ve sülh sazişinin imzalanması yubadacaqdır".

Telegramda izləyin