Vətəndaşlarımız xarici ölkədə hər hansı bir cinayyətin qurbanı olarsa ilk növbədə nə etməlidir? - AÇIQLAMA

Ölkəmizin vətəndaşları tez-tez xarici ölkələrə gedirlər. Bu müxtəlif səbəblərdən olur, kimi işinə görə, kimi səyahətə. Həmin müddətdə onlar xarici ölkədə olduqları zaman hər hansı bir cinayyətin qurbanı ola bilir. Başlarına belə hadisə gəldiyi zaman onların hüquqları necə və kimlər tərəfindən qorunur. Bu hallarda hansı addımlar atılır?

Mövzu ilə bağlı Sonxeber.az-a hüquqşünas Ramil Süleymanov danışıb.

O, açıqlamasında qeyd edib ki, belə hallarda həmin ölkənin hüquq-mühafizə orqanlarına müraciət etmək lazımdır:

"Vətəndaşlarımız xarici ölkədə olduqları zaman hər hansı bir cinayyətin qurbanı olarlarsa ilk növbədə təbii ki, həmin ölkənin hüquq-mühafizə orqanlarına müraciət etmək lazımdır. Əgər, həmin ölkənin hüquq-mühafizə orqanları tərəfindən hər hansı bir ayrı-seçkiliyə və yaxudda ki, hansısa şəkildə uyğun olmayan hüquqi araşdırma mexanizmlərinə məruz qalan şəxslər bununla bağlı həmin ölkədə yerləşən Azərbaycan səfirliyinə müraciət etməklə hüquqi müdafiəsinin təmini barədə xahiş edə bilərlər. Nəticə etibarı ilə əgər hər hansı bir hüquqi mexanizm tələb edəcək hadisə ilə üzbəüz qalan şəxslər həmin ölkədə yerləşən səfirliyimizə müraciət edə bilərlər. Bundan əlavə, əgər hər hansı bir cinayət bağlı şahid kimi dindirilərlərsə bununla bağlı olaraq onlar ölkədə qalmalıdır və bununla bağlı müraciət edirlər hüquq-mühafizə oraqnlarına. Onlar da həmin şəxsin ölkədə qalma müddətini artırılması ilə bağlı addımlar atsın. Əgər şahid qismində dindirildikləri zaman hər hansı bir əlavə lazımsız araşdırmaya və o cümlədən ittiham xarakterli araşdırmaya məruz qaldıqda isə belə olan təqdirdə dövlətin qanunlarına əsasən pulsuz vəkil və tərcüməçi xidmətindən istifadə etməklə yaxın ölkələrin ərazisində yerləşən səfirliyimizə müraciət etməklə hüquqi mexanizmlərə köməkliklə bağlı təşəbbüs göstərə bilərlər".

Vüsalə İbrahimli

Telegramda izləyin