Sevgilisini qəbiristanlıqda körpəsinin gözü qarşısında öldürdü - FOTOlar

Floridada körpəsinin gözü qarşısında öldürülən ananın qətlində şübhəli bilinən şəxs 3 il sonra TikTok videosu sayəsində yaxalanıb.

Sonxeber.az xarici mediaya istinadən xəbər verir ki, 31 iyul 2021-ci ildə ABŞ-ın Florida ştatında törədilən qətldə 27 yaşlı Coana Peka qucağında körpə, 4 yaşlı oğlu olduğu halda üzündən bir neçə dəfə güllələnərək öldürülüb.

Qətldən sonra qaçan 41 yaşlı keçmiş sevgilisi Benjamin "Bambi" Robert Williams sosial şəbəkədə paylaşılan video sayəsində Meksikada yaxalanıb.

Sankt-Peterburq Polis İdarəsindən verilən açıqlamada Williamsın körpəsini görmək bəhanəsi ilə sevgilisini qəbiristanlığa çağırdığı bildirilib. Hadisə zamanı avtomobildə olan iki uşaq xəsarət almadan xilas olub.

2,8 milyon izləyicisi olan TikTok hesabında Jasmeen Alexander tərəfindən paylaşılan xəbər videosu şübhəlinin tutulmasına şərait yaradıb. Videonu görən şəxs qətldən 10 gün sonra Meksikada Uilyamsı görüb və vəziyyəti ABŞ səfirliyinə məlumat verib. Şübhəli noyabrın 30-da Mexikoda yaxalanıb.

Birinci dərəcəli qətl və iki uşaq istismarı ittihamı ilə həbs edilən Williams hazırda Pinellas County həbsxanasında saxlanılır.

Vüsalə İbrahimli

Telegramda izləyin