"İsveçrə parlamenti bilməlidir ki, Qarabağ Azərbaycana məxsusdur və bunu rəsmi İrəvan da tanıyıb" - DEPUTAT

"İsveçrə parlamentinin aşağı palatası olan Milli Şura "Dağlıq Qarabağ: sülh konfransı" adlı qətnamə qəbul edib. Qətnamənin müəllifi ermənipərəst deputat Erix Fontobeldir. Hələ ötən il İsveçrə Parlamentinin yuxarı palatasında – Dövlətlər Şurasında Qarabağla bağlı müzakirələr keçirilib".

Bunun Sonxeber.az-a danışan deputat Müşfiq Cəfərov bildirib.

Deputat qeyd edib ki, müzakirələr zamanı isveçrəli parlament üzvləri 2022 – ci ildə Cenevrə kantonunun Parlament tərəfindən qəbul edilmiş "Dağlıq Qarabağdakı ermənilərin yaşamaq və öz müqəddəratını təyin etmək hüququ" başlıqlı qətnamə, eləcə də bir qrup ermənipərəst deputatın təşəbbüsü ilə hazırlanmış "Ermənistanın sağ qalmasının təmin olunması" başlıqlı məsələni nəzərdən keçirib:

"Müzakirələr zamanı bəzi ermənipərəst parlament üzvləri çıxış edərək, Azərbaycana qarşı qondarma iddialar irəli sürməyə cəhd göstərmişdilər. Onlar Azərbaycanın guya etnik təmizləmə həyata keçirdiyini, beynəlxalq humanitar hüquqa hörmət etmədiyini iddia edirdilər. Deputat Juiyar Şarl regionda humanitar vəziyyətin gərgin olduğunu, hərbi qarşıdurmanın yenidən canlana biləcəyini bildirirdi. İsveçrənin xarici işlər naziri İqnasio Kassis BMT Təhlükəsizlik Şurasında, ATƏT-də, eləcə də digər beynəlxalq institutlarda İsveçrənin Azərbaycana qarşı mövqe tutmayacağına işarə etmişdi.

Yekunda müzakirələrin nəticəsində "Dağlıq Qarabağdakı ermənilərin yaşamaq və öz müqəddəratını təyin etmək hüququ" sərlövhəli qətnamə ilə bağlı vəsatət yekdilliklə rədd edilib,"Ermənistanın sağ qalmasının təmin olunması" məsələsi ilə bağlı müzakirələrin isə davam etdirilməsi qərara alınmışdı".

Deputat vurğulayıb ki, hazırda İsveçrənin Federasiya Şurasının deputatları hökumətə Qarabağı könüllü tərk etmiş ermənilərin geri qaytarılması ilə bağlı danışıqların aparılması üçün 2025-ci ildə konfrans təşkil etməyi təklif etsələr də, İsveçrənin xarici işlər naziri ölkə deputatlarının Qarabağ üzrə beynəlxalq konfransın çağırılması təşəbbüsünü rədd edərək bildirib ki, bu münaqişəni Ermənistan və Azərbaycan həll etməlidir:

"Dünyada özünün bitərəfliyinə görə sayılıb seçilən İsveçrə də erməni məsələsində tərəf saxlayır. Ölkə parlamentinin aşağı palatasının gələn il Qarabağ üzrə beynəlxalq sülh forumunun təşkilinə dair Federal Şuraya çağırış etməsi bunu söyləməyə əsas verir. Sözügedən çağırışın yer aldığı qətnamədə, eyni zamanda, bildirilir ki, İsveçrə Azərbaycanla Qarabağ ermənilərinin nümayəndələri arasında açıq dialoqa yardım etməlidir. İsveçrə parlamentinin də bilməli olduğu ən vacib məqam odur ki, Qarabağ beynəlxalq hüquqla Azərbaycana məxsusdur və bunu rəsmi İrəvan da tanıyıb. Hazırda bu barədə bütün fəaliyyətləri beynəlxalq hüquqa tamamilə ziddir".

Telegramda izləyin