"Azərbaycanın D-8 təşkilatına üzv seçilməsi Prezident İlham Əliyevin növbəti diplomatik uğurudur" - Emil Əkbərov

Xəbər verdiyimiz kimi Azərbaycan D-8 təşkilatına üzv qəbul edilib. Bunu Azərbaycan Respublikasının Prezidenti İlham Əliyev "X" hesabında yazıb.

"Bu gün Qahirədə İqtisadi Əməkdaşlıq Təşkilatının (D-8) Zirvə toplantısı zamanı Azərbaycanın təşkilata üzv qəbul edilməsinə görə Türkiyə, Pakistan, Misir, İran, İndoneziya, Malayziya, Nigeriya və Banqladeşin dövlət və hökumət başçılarına təşəkkürümü bildirirəm.

Azərbaycanın namizədliyinə dəstək bu ölkələr ilə səmimi dostluğumuzun və əməkdaşlığımızın göstəricisidir.

Türkiyənin təşəbbüsü ilə yaradılmış D-8 təşkilatı 30 ilə yaxındır ki, fəaliyyət göstərir və ilk dəfə olaraq genişlənmə ilə əlaqədar qərar qəbul olunmuşdur. Bu, bizim üçün qürur mənbəyidir.

Öz həmkarlarımı əmin edirəm ki, Azərbaycan digər ölkələrlə birlikdə təşkilatın daha da inkişafı, İslam həmrəyliyinin gücləndirilməsi üçün öz səylərini əsirgəməyəcəkdir".

Ölkəmizin növbəti uğuru ilə bağlı fikirlərini Sonxeber.az-a bölüşən "BİG Media"MMC-nin direktoru Emil Əkbərov bildirib ki, bu cənab İlham Əliyevlə Azərbaycan regionda sabitliyin təmin edən və Cənubi Qafqazda yeni reallıqlar formalaşdıran, dünyada söz sahibi olan dövlətdir:

"Qahirədə İqtisadi Əməkdaşlıq Təşkilatının (D-8) Zirvə toplantısı zamanı ölkəmizin üzv qəbul edilməsi cənab prezident İlham Əliyevin növbəti diplomatik uğurudur. Türkiyənin təşəbbüsü ilə yaradılmış D-8 təşkilatına üzv olmağımız ölkəmizin hər sahədə inkişafını, eləcə iqtisadi potensialını daha da artıracaq.19 dekabr növbəti diplomatik uğur kimi Azərbaycan tarixinə qızıl hərflərlə həkk olundu. Bu gün ölkəmizin müstəqillik tarixində beynəlxalq münasibətlər sahəsində əlamətdar gün və uğur kimi yadda qalacaq. Azərbaycanın D-8 təşkilatına üzv seçilməsi dövlətimizin beynəlxalq nüfuzunun artmasının daha bir sübutu oldu".

Emil Əkbərov vurğulayıb ki, Azərbaycanın D-8 təşkilatına üzv seçilməsi cənab prezident İlham Əliyevin növbəti diplomatik qələbəsi kimi də dəyərləndirilə bilər:

"Cənab prezident İlham Əliyev ölkə başçısı seçildiyi ilk gün xalqımıza verdiyi bütün sözləri uğurla icra etməyə davam edir. Ali Baş Komandan 30 illik işğala son qoyaraq, ölkəmizin ərazi bütövlüyünü və suverenliyini tam bərpa edən qalib lider və güclü Sərkərdə kimi adını müasir Azərbaycan tarixinə qızıl hərflərlə həkk etdirib. COP29 kimi mötəbər bir beynəlxalq tədbirə uğurla ev sahibliyi etdikdən sonra Azərbaycanın D-8 üzv qəbul edilməsi cənab Prezident İlham Əliyevin qətiyyətli, uzaqgörən və uğurlu xarici siyasətinin nəticəsidir. Qeyd edim ki, ilk dəfə 2017-ci ildə İstanbulda keçirilən D-8 İqtisadi Əməkdaşlıq Təşkilatının IX Zirvə görüşündə dövlət başçımız fəxri qonaq kimi iştirak etmişdi. O vaxtdan etibarən Azərbaycan təşkilata inteqrasiyası istiqamətində davamlı addımlar atılıb və üzv dövlətlərlə sıx dostluq, qardaşlıq üzərində qurulan münasibətlər daha möhkəmləndirilib. Cənab prezident İlham Əliyevin davamlı inkişaf, siyasi sabitlik və beynəlxalq əməkdaşlığın genişləndirilməsi istiqamətində atdığı uğurlar nəticəsində Azərbaycan D-8-in üzvü seçilməklə qlobal səviyyədə nüfuzunu bir daha artırdı.Ölkəmizin bu təşkilata üzv seçilməsi təkcə iqtisadi sahədə deyil, həm də təhlükəsizlik, sabitlik və qarşılıqlı faydalı əməkdaşlığın inkişafı baxımından öz faydasını verəcək.Azərbaycanın D-8-ə üzvlüyü təşkilatın fəaliyyətinə yeni bir dinamika gətirməklə yanaşı həm də geosiyasi mövqeyi, geniş iqtisadi potensialı, strateji tranzit məntəqələri və inkişaf etmiş nəqliyyat infrastrukturu ilə çərçivəsində əməkdaşlığı dərinləşdirəcək.Azərbaycanın ədalət və beynəlxalq hüququn norma və prinsiplərinə sadiqliyi İslam həmrəyliyinin möhkəmləndirilməsi, dinimizin dəyərlərinin dünyada təbliği və İslamofobiya ilə mübarizə sahələrində də fəal rol oynayacaq".

Telegramda izləyin