"Ölkəmizin D-8 təşkilatına üzvü seçilməsi cənab Prezident İlham Əliyevin müdrik xarici siyasətinin növbəti qələbəsidir" - DEPUTAT

"Dekabrın 19-da Misirin paytaxtı Qahirə şəhərində İnkişaf etməkdə olan səkkiz ölkənin İqtisadi Əməkdaşlıq Təşkilatının (D-8) XI Sammiti zamanı Azərbaycan Respublikası yekdilliklə D-8 təşkilatının üzvü seçilməsi cənab prezident İlham Əliyevin müdrik və qətiyyətli xarici siyasətinin növbəti qələbəsidir".

Bunu Sonxeber.az-a danışan deputat Tamam Cəfərov bildirib.

Deputat qeyd edib ki, Türkiyənin təşəbbüsü ilə yaradılmış və 30 ilə yaxındır ki, fəaliyyət göstərən D-8 təşkilatının 2017-ci ildə İstanbulda keçirilən IX Zirvə görüşündə dövlət başçımız cənab İlham Əliyev fəxri qonaq kimi iştirak etmişdi:

Elə o vaxtdan etibarən Azərbaycanın təşkilata inteqrasiyası istiqamətində davamlı addımlar ataraq üzv dövlətlərlə dostluq, qardaşlıq üzərində qurulan münasibətlər daha möhkəmləndirilib, hər bir sahədə qurulan əlaqələr inkişaf etdirilib. Cənab prezident İlham Əliyevin yüksək səs çoxluğu ilə ölkə başçısı seçildiyi gündən davamlı inkişaf, siyasi sabitlik və beynəlxalq əməkdaşlığın genişləndirilməsi istiqamətində atdığı uğurlar nəticəsində Azərbaycan D-8-in üzvü seçilməklə beynəlxalq arenada nüfuzunu bir daha artırmış oldu. Ölkəmizin bu təşkilata üzv seçilməsi iqtisadi, sosial, siyasi sahənin habelə təhlükəsizlik, sabitlik və qarşılıqlı faydalı əməkdaşlığın inkişafı baxımından çox əhəmiyyətlidir. Həmçinin, Azərbaycanın D-8-ə üzvlüyü təşkilatın fəaliyyətinə yeni bir dinamika gətirəcək. Ölkəmizin bu təşkilata üzv qəbul edilməsi geosiyasi mövqeyi, geniş iqtisadi potensialı, strateji tranzit məntəqələri və inkişaf etmiş nəqliyyat infrastrukturu ilə çərçivəsində əməkdaşlığı daha da dərinləşdirəcək, Azərbaycanın ədalət və beynəlxalq hüququn norma və prinsiplərinə sadiqliyi İslam həmrəyliyinin möhkəmləndirilməsi və dünyada hökm sürən İslamofobiya ilə mübarizədə mühüm rol oynayacaq". Xüsusilə qeyd etmək lazımdır ki, D-8 olduqca mühüm təşkilatdır. Burada müsəlman dünyasının ən güclü dövlətləri birləşib. Şübhəsiz ki, Azərbaycanın təşkilata üzv olması ölkəmizin nüfuzunun daha da güclənməsinə öz müsbət təsirini göstərəcək. Tədbirdə çıxış edən Türkiyə prezidenti Rəcəb Tayyib Ərdoğan da çıxışında Azərbaycanın təşkilata qəbul edilməsinin bu quruma daha da güc qatacağını qeyd edib.

Deputat vurğulayıb ki, D-8-ə üzv qəbul edilməsi Azərbaycanın xarici siyasətində müstəqil aktor olmasını və dünyada günbəgün artan nüfuzunun təsdiqidir:

"Bütün dünya bunu belə qəbul edir. D-8 təşkilatına üzv seçilməyimiz bunu bir daha təsdiq edir. 19 dekabr növbəti diplomatik uğuru, cənab İlham Əliyev hakimiyyətinin növbəti nailiyyəti, beynəlxalq münasibətlər sahəsində əlamətdar gün kimi həkk olundu. Qeyd edim ki, D-8 İqtisadi Əməkdaşlıq Təşkilatına üzv olan səkkiz müsəlman ölkəsini birləşdirir. Təşkilatın təməli Türkiyənin o dövrdəki baş naziri Nəcməddin Ərbakanın təşəbbüsü ilə 1996-cı il oktyabrın 22-də İstanbulda Banqladeş, İndoneziya, İran, Malayziya, Misir, Nigeriya və Pakistanın əməkdaşlığı ilə təşkil edilən İnkişaf Əməkdaşlıq Konfransında atılıb. 1997-ci il iyunun 15-də İstanbulda 8 ölkənin dövlət və hökumət başçılarının sammitində təşkilat rəsmən elan olunub. Üzvlərinin əhalisinin sayının ümumilikdə dünya müsəlmanlarının 60%-ni təşkil edən və böyük iqtisadi potensiala malik "İslam Səkkizliyi" adlanan D-8-ə ölkəmizin üzvlüyü Azərbaycanın beynəlxalq aləmdə artan nüfuzunun və ölkəmizə olan etimadın bariz nümunəsidir. Azərbaycan müsəlman ölkələrinə qarşı həyata keçirilən ikili standartlara, ədalətsizliyə öz münasibətini açıq bildirən azsaylı ölkələrdəndir. Şübhəsiz ki, ədaləti və beynəlxalq hüququn norma və prinsiplərini özünün prioritet məqsədi kimi qarşıya qoyan Azərbaycan D-8-ə üzv olması bu təməl prinsiplərinin qorunmasında, təşkilat çərçivəsində əməkdaşlığın daha da dərinləşməsində mühüm rol oynayacaq".

Telegramda izləyin