"Elmlər"də bina YANIR

Yasamal rayonunda baş verən yanğın səbəbindən yolda məhdudiyyət təbiq edilib.

Nəqliyatın İntellektual İdarəetmə Mərkəzindən BAKU.WS-ə verilən məlumata görə, Yasamal rayonu, Şəfayət Mehdiyev və Mehdi Məmmədov küçələrinin kəsişməsində yanğın hadisəsi baş verib.

Bu səbəbdən Mehdi Məmmədov küçəsi istiqamətində nəqliyyat vasitələrinin hərəkətinə məhdudiyyət qoyulub.

***17.28

Paytaxtın Yasamal rayonunda çoxmərtəbəli yaşayış binası yanır.

Bu barədə məlumat BAKU.WS-in "qaynar xətti"nə daxil olub.

Bildirilir ki, hadisə metronun "Elmlər Aakademiyası" yaxınlığında yerləşən binalardan birində qeydə alınıb.

Fövqəladə Hallar Nazirliyinin (FHN) Mətbuat xidmətindən BAKU.WS-ə verilən məlumata görə, nazirliyin 112 qaynar xəttinə Bakı şəhəri, Yasamal rayonu, Şəfayət Mehdiyev küçəsində yerləşən çoxmərtəbəli yaşayış binasında yanğın baş verməsi barədə məlumat daxil olub.

Məlumatla əlaqədar Nazirliyin müvafiq xilasetmə qüvvələri çağırış üzrə cəlb olunublar.

Hazırda yanğınsöndürmə və digər təxirəsalınmaz işlər həyata keçirilir.

Əlavə məlumat veriləcək.

Telegramda izləyin