Dəhşətli təsadüf: Eyni ərazidə bir il sonra ikinci dəfə qəza edən kişi dünyasını dəyişdi

Kütahyada ailəsinin polisə itkin düşüb deyə məlumat verdiyi Bahadır Yasin Bozbey avtomobili ilə qəzaya uğradığı Porsuk axınında ölü tapılıb.

Sonxeber.az türk mediasına istinadən xəbər verir ki, Kütahya Mütəşəkkil Sənaye fabrikində fəhlə işləyən Bahadır Yasin Bozbey günorta saatlarında işə getmək üçün şəxsi avtomobili ilə evindən yola çıxıb. Bir müddət sonra ailəsi ondan xəbər ala bilməyib və polisə müraciət edib.

Polis Bahadır Yasin Bozbeyin tapılması üçün axtarış başladıb. Onun iş yoldaşları Kütahya Mütəşəkkil Sənaye Bölgəsi yolunda qəzaya düşmüş avtomobilini tapıblar və dərhal polisə məlumat veriblər.

Hadisə yerinə təcili tibbi yardım və polis sövq edilib. Polis Bahadır Yasin tərs çevrilən avtomobildə həyatını itirdiyini müəyyən edib. Onun meyiti dəqiq ölüm səbəbinin müəyyən edilməsi üçün tibbi ekspertizaya aparılıb.

Araşdırma zamanı Bozbeyin ötən il də eyni yerdə qəzaya uğradığı və xəsarət almadan xilas olduğu müəyyən edilib.

Qəza ilə bağlı araşdırmalar davam edir.

Telegramda izləyin