Yanğın zamanı intihara cəhd etdi - VİDEO

Bartının Hürriyyət küçəsində yerləşən 3 mərtəbəli binadan tüstü qalxdığını görən vətəndaşlar vəziyyəti yanğınsöndürmə bölməsinə bildiriblər.

Sonxeber.az türk mediyasına istinadən xəbər verir ki, xəbərdarlıq üzərinə yanğınsöndürənlər, polis və sağlamlıq qrupları bölgəyə yönəldilib.

Evdə bir nəfərin olduğunu öyrənən yanğınsöndürənlər 3 mərtəbəli evin çardağına çıxaraq içəri girməyə çalışıb. Qapını bağlayan və açmayan şəxs polis və digər əməkdaşların oranı tərk etməsini istəyib.

Şəxsi razı sala bilməyən qruplar həmin şəxsin ailəsi ilə əlaqə saxlayıb və qapını sındırmaq üçün icazə istəyib. Qapını sındıran qruplar əvvəlcə mənzildə tüstü basmış qutularda olan kağız və plastiklərin yanğınını söndürüblər.

Onların çıxarmaq istədiyi şəxs evin eyvanına çıxaraq intihar edəcəyini bildirib. Polis əməkdaşları şəxsi razı salmağa çalışarkən, xilasetmə qrupları adamın atlama ehtimalına qarşı yerdə havadan atlama döşəyi açdı.

Polis tərəfindən zərərsizləşdirilən şəxs aşağı endirilib.

Y.A. adlı şəxs polis bölməsinə aparılıb və əqli qüsurlu olduğu öyrənilən şəxsin əməliyyatlardan sonra ailəsinə təhvil veriləcəyi bildirilib.

Hadisə yerinə toplaşan məhəllə sakinləri hadisələri maraqla izləyiblər.

Telegramda izləyin