63 yaşlı kişi evində ölü tapıldı

Aksarayda bir nəfər tək yaşadığı evdə ölü tapılıb.

Sonxeber.az türk mediasına istinadən xəbər verir ki, hadisə Hamidiye məhəlləsində yerləşən 4 mərtəbəli binanın 2-ci mərtəbəsindəki mənzildə baş verib.

Belə ki, tək yaşayan Ahmet Ağırdıcıdan (63) xəbər ala bilməyən qonşuları vəziyyəti polisə bildiriblər.

Evə gələn polislər qapını çilingərin vasitəsi ilə açıb içəri daxil olublar. Onlar kişini evin ortasında huşsuz vəziyyətdə tapıblar.

Həkimlər tərəfindən vəziyyəti yoxlanılan Ağırdıcının öldüyü müəyyən edilib. Müayinədən sonra meyit tibbi ekspertizaya aparılıb. Faktla bağlı başladılan istintaq davam edir.

Telegramda izləyin