Hamilə qadın ərinin sevgilisini çəkiclə döydü

İngiltərədə hamiləliyi zamanı aldadılan 31 yaşlı Kirsti Allen ərinin sevgilisinə çəkiclə hücum edib.

Sonxeber.az türk mediasına istinadən xəbər verir ki, hadisə Hulldakı Fiveways otelində baş verib. Belə ki, Allen arxadan güddüyü qadına yaxınlaşıb və çəkiclə onun üzünə zərbələr endirib. Hücum nəticəsində qadının yanaq sümüyü sınıb. Hadisə anı təhlükəsizlik kameralarına düşüb.

Ətrafdakı vətəndaşlar hadisəni polisə və təcili tibbi yardıma bildirib. Hadisə yerinə gələn polislər Alleni saxlayıb. Yaralı qadın təcili tibbi yardım əməkdaşları tərəfindən xəstəxanaya çatdırılıb.

Məhkəmə zamanı hakim Mark Buri təhlükəsizlik kamerası görüntülərinin "şok edici" olduğunu bildirib və Allenə 18 ay həbs cəzası verib.

Telegramda izləyin