"Gürcüstanın həm Azərbaycan, həm də Türkiyə ilə dərin münasibətləri mövcuddur" - AÇIQLAMA

"Gürcüstan region ölkələri, xüsusilə Azərbaycan, Türkiyə və Ermənistanla çoxtərəfli münasibətlərin inkişaf etdirilməsini vacib hesab edir" - bunu Gürcüstanın xarici işlər naziri Maka Boçorişvili bu gün Ankarada türkiyəli həmkarı Hakan Fidanla birgə mətbuat konfransında deyib.

"Gürcüstanın həm Azərbaycan, həm də Türkiyə ilə dərin münasibətləri mövcuddur" - bunu politoloq Tural İsmayılov Sonxeber.az-a açıqlamasında bildirib:

""Gürcüstanın həm Azərbaycan, həm də Türkiyə ilə dərin münasibətləri mövcuddur. Daha əvvəl bir çox üçlü formatlarda Azərbaycan, Türkiyə, Gürcüstan siyasi və hərbi rəhbərliyi qarşı-qarşıya gəlib. Bir çox məqamlarda Azərbaycan və Türkiyə rəhbərliyi Gürcüstan ilə danışıqları davam etdirib. Eyni zamanda üç ölkənin hərbi təlimlərinə tez-tez şahidlik edirik. Bu gün Gürcüstanda kifayət qədər vətənpərvər, dövlətçi bir hakimiyyət formalaşıb. Onlar da yaxşı anlayır ki, bölgədə ictimai sabitliyin əldə edilməsi mütləq şəkildə regional əlaqələrdən və qarşılıqlı etimaddan asılı olan bir məsələdir. Gürcüstanın Xarici İşlər Nazirinin Türkiyədə Hakan Fidanla görüşü və bu görüş fonunda əməkdaşlıq və gələcəklə bağlı verdiyi mesajlar Gürcüstan rəhbərliyinin bölgənin gələcəyi ilə bağlı baxışlarını aydın formada nümayiş etdirir. Eyni zamanda üç ölkənin arasındakı əməkdaşlıq modellərinin yeni meyyarları ətrafında faydalı müzakirələr aparıldığını düşünürəm"

Telegramda izləyin