"Azərbaycan Avropa Birliyinin üzvü deyil və Avropa Parlamentində deputatları yoxdur" - AÇIQLAMA

"Avropa Parlamenti növbəti dəfə öz səlahiyyətlərini aşır. Azərbaycan Avropa Birliyinin üzvü deyil və Avropa Parlamentində deputatları yoxdur. Bu səbəbdən də onun öz reagiondankənar bir ölkə üçün münasibət bildirməsi, onun daxili işlərinə qarışması yolverilməzdir. İkincisi isə Azərbaycan ərazisində separatçı qurum yaratmış, işğal etdiyi ərzilərdə Ermənistanın uzun müddət terror və qətllə məşğul olması, Azərbaycanın təbii sərvətlərini, mədəni abidələrini dağıtması beynəlxalq konvensiyalarda belə ağır cinayət sayılır".

Bunu Sonxeber.az-a Milli Məclisin deputatı Aydın Mirzəzadə danışıb.

O, açıqlamasında qeyd edib ki, Azərbaycan parlamenti çox düzgün olaraq öz etirazını bildirib və yəqin ki, mart ayının 18-də baş tutacaq iclasda deputatlar etirazlarını bildirəcəklər:

"Azərbaycan bu gün onlar üzərində məhkəmə qurub və Avropa Parlamenti, hansı ki, aliliyin keşiyində durmalıdır, amma, birdənbirə bu cinayətkarların müdafiyəsinə qalxır. Elə isə soruşuruq, Avropa sən hansı yolu gedirsən?! Avropa, sən cinayətkarları müdafiyə etməklə özün təşəbbüskarı olduğun beynəlxalq hüquq normalarını pozduğunun fərqindəsənmi?!
Hesab edirəm ki, Avropada bəzi dairələrin erməni millətçilərinə sevgisi, onların hüquqa, ədalətə, demokratiyaya olan baxışlarının özlərini taptalamasına gətirib çıxardır. Azərbaycan parlamenti çox düzgün olaraq ona öz etirazını bildirib və yəqin ki, mart ayının 18-də baş tutacaq iclasımzıda deputatlar, o cümlədən mən də bu məsələyə öz qəti etirazımızı bildirəciyik. Bəlkə də, onlar bununla Azərbaycan cəmiyyətini, siyasi dairələrini yoxlamağa çalışırlar. Nə dərəcədə biz belə siyasi hücumlara qarşı göz yumasaq da və yaxud da əhəmiyyət verməsək də, amma dövlətçiliyimizə, müstəqilliyimizə aid olan məsələlərə heç bir zaman göz yuma bilmərik".

Telegramda izləyin