"Ermənistan dövləti yeni müharibə ehtimalını alovlandırmaqla məşğuldur" - AÇIQLAMA

Martın 18-i saat 08:55 radələrində Ermənistan silahlı qüvvələrinin bölmələri Basarkeçər rayonunun İstisu yaşayış məntəqəsi istiqamətində yerləşən mövqelərindən Azərbaycan Ordusunun mövqelərini atıcı silahlardan atəşə tutub.

"Ermənistan dövləti Azərbaycanın sülh çağırışları artdıqca yola gəlmək əvəzinə, yeni müharibə ehtimalını alovlandırmaqla məşğuldur"- bunu Sonxeber.az -a açıqlama verən politoloq Tural İsmayılov deyib:

"Ermənistan dövləti Azərbaycanın sülh çağırışları artdıqca yola gəlmək əvəzinə, yeni müharibə ehtimalını alovlandırmaqla məşğuldur. Faktiki olaraq, bu gün Ermənistanın ortaya qoyduğu mövqe birmənalı şəkildə onu göstərir ki, Cənubi Qafqazda yeni müharibə ocağının qalanmasında Ermənistan aktiv və fəal şəkildə iştirak etməyə çalışır. Onlar bir tərəfdən sülhlə bağlı mesajlar versələr də, digər tərəfdən aktiv şəkildə Azərbaycan əleyhinə müharibə ritorikasını qızışdırmaq və gərginləşdirməklə məşğuldur. Məlum hadisə onu göstərir ki, Ermənistanın real sülhlə, dövlətlərarası münasibətlərin bərpa edilməsi ilə bağlı demək olar ki, heç bir istəyi yoxdur. Son günlər Azərbaycana qarşı təxribatlar törətməsi, Ermənistan Müdafiə Nazirliyinin müxtəlif dırnaqarası bəyənnatlar yayaraq dezinformasiya istehal edən tərəf qismində iştirak etməsi onu göstərir ki, bizim qarşımızda tamamilə müharibəyə fokuslanmış bir ölkə dayanır. Bu gün Ermənistan və onun havadarları Azərbaycan əleyhinə savaş ritorikasını qızışdırmaqla məşğuldur. Onlar əsas istəyi bizə qarşı müharibə başlatmaq və dünyada böyük bir səs-küy yaratmaqdır ki, güya sülh istəyən onlar idi, amma müharibəni biz başlatdıq. Ermənistanın son dövrlər atdığı bütün addımlar onu söyləməyə əsas verir ki, onlar Azərbaycanla növbəti savaş üçün açıq-aşkar niyyətlidirlər"

Çiçək Sadatova

Telegramda izləyin