"Məsud Pezeşkianın Bakıya səfərindən sonra İran və Azərbaycan münasibətlərində müsbət irəliləyiş olacaq" - AÇIQLAMA

İran Prezidenti Məsud Pezeşkian Azərbaycana səfər edəcək.

Sonxeber.az türk mediasına istinadən xəbər verir ki, səfərin bu ay baş tutması nəzərdə tutulub.

Bəs görəsən bu səfərdən iki ölkənin gələcək münasibətləri ilə bağlı hansı gözləntilər var?

Mövzu ilə bağlı politoloq Tural İsmayılov Sonxeber.az -a açıqlama verib:

"İran prezidenti Məsud Pezeşkian seçildikdən sonra Azərbaycana səfər edəcəkdi. Onun İranda yaşayan Güney Azərbaycanlı soydaşlarımız barədə müəyyən gözləntiləri var idi. Hər bir halda son dövrlər Azərbaycan və İran arasında müsbət dinamika hiss edilir. Yüksək rütbəli iran rəsmilərinin ölkəmizə səfəri, sonuncu olaraq iran prezidentinin siyasi məsələlər üzrə müşaviri Mehdi Sənayinin Bakıya gəlməsi iki ölkə arasındakı münasibətlərin bundan sonra da müəyyən dinamika üzrə müsbətə doğru irəliləmək imkanlarını özündə əks etdirir. Hər bir halda Məsud Pezeşkianın Azərbaycana səfəri iki ölkə münasibətlərinin gələcəyi baxımından vacibdir. Son olaraq həm Novruz, həm də Ramazan bayramında iki ölkənin prezidentləri arasında dialoqlar olub, ünsiyyət qurulub. Bu baxımdan, Azərbaycan və İran münasibətlərinin inkişafı üçün Məsud Pezeşkianın ölkəmizə səfərinin mühim olduğunu düşünürəm. Pezeşkianın Bakıya səfərindən sonra Azərbaycan və İran münasibətlərində müsbət irəliləyiş olacağını düşünürəm".

Telegramda izləyin